Funsionariu Lakohi Vasina, Fo Lisensa Sem Vensimentu

BAUCAU, STLNEWS.co – Prezidente Autoridade Munisipiu Baucau Olivio Freitas hatete, profesores kontratadu sira iha Munisipiu Baucau mak ulun toos lakohi simu vasina, sei fo lisensa sem vensimentu.

Lia hirak ne’e PAM Baucau Olivio Freitas haktuir liu husi nia diskursu iha salaun Edukasaun Baucau, Tersa ne’e (28/09/2021).

“Professorer kontratadu ulun toos lakohi, prontu ita haree situasaun, mezmu permanente hau koalia ho edukasaun, estatal se professores ida ne’ebé permanente, lakohi tuir vasina fo lisensa sem vensimentu,” dehan nia.

Nia hatutan, reativa hikas ona prosesu aprendizajen iha Munisipiu Baucau, atu estudante sira labele hetan moras, professores sira tenke partisipa iha vasina, husi eskola pre eskolar to’o eskola sekundaria, profesores sira tenke simu vasina.

Hatan ba preokupasaun ne’e, Diretor Servisu Edukasaun Munisipiu Baucau Augusto Ornai Ximenes hatete, total professores iha Munisipiu Baucau nain 1255 mak simu ona doze primeiru, husi numeru nee, nain 934 mak simu ona vasina doze kompletu.

“Sira ne’ebé simu ona vasina primeira doze 1255 ho %84 mak vasina ona, ne’e ba primeira doze,” dehan diretor ne’e.

Nia hatutan, husi total numeru professores 1255 simu ona vasina doze kompletu hamutuk 934 ho 62%.

Husi total professores ne’ebé mak simu ona vasina doze kompletu, seidauk sura ho profesores tempu parsial total hamutuk 623, ne’ebé mak eskola publika no privadu sira kontrata, tanba nesesidade.

Husi total numeru professores hamutuk 623, ne’ebé mak servisu edukasaun munisipal seidauk foti, tanba razaun dirije direitamente ba funsionariu kontratadu no funsionariu permanente.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...