Governu Aprova Dekretu Lei Apoiu Finanseiru Ba Sidadaun Neebe Lakon Vida Tanba Simu Vasina

DILI, STLNEWS.co – Governu liu husi Konsellu Ministru aprova ona projetu dekretu lei, kona ba kriasaun apoiu finanseiru ba kazu mate ka inkapasidade neebe bele akontese, wainhira sidadaun sira simu vasina hodi kontra Covid-19.

Projetu dekretu lei nee rasik, aprezenta husi Ministru Finansas (MF), Rui Augusto Gomes.

Ministru Prezidensia Konsellu Ministru (MPKM), Fidelis Leite Magalhaes hatete, membru KM halo fali reapresiasaun ba proposta neebe mak antes aprova tia ona, kona ba kona ba kriasaun apoiu finanseiru ba kazu mate ka inkapasidade neebe bele akontese, wainhira sidadaun sira simu vasina hodi kontra COVID-19.

“Reaprovasaun ida nee ho konteudu ida neebe mak la munta nia pontu substansiais sira hanesan deit, hanesan ita bot sira hanesan katak asuntu nee iha semana hirak liu ba aprovadu tia ona maibe husi parte proponente Minesteriu Finansa iha hanoin katak, preisza atu hadia parte balun liu liu artigu sira nunee bele haforsa tan proposta refere, tanba nee ohin aprova fila falia antes haruka fila fali ba Prezidenti Republika hodi deside tuir dalan legal sira neebe mak iha,” dehan Ministru Fidelis, ba Jornalista iha Palasiu Governu, Kuarta (21/07/2021).

Governante nee dehan, kona detelhas atribuisaun ba ema ema sira neebe mak merese ka kualifikadu duni, atu hetan apoiu finanseiru sei nafatin mak hanesan ema sira neebe lakon nia vida, tanba simu vasina.

Aleinde nee projetu dekretu Lei nee hetan tiha ona deliberasaun iha Sorumutuk Konsellu Ministrus iha loron 23 fulan jumhu tinan 2021, maibe tanba iha faze redasaun final introdus alterasaun balun iha faze redasaun final, presiza submete fila fali ba deliberasaun foun husi Konsellu Ministru.

Maske risku husi efeitu sekundariu grave neebe provoka husi vasina kontra COVID-19 kiik tebes, neebe kompensa makaas tebes ho benefisiu husi vasinasaun ba populasaun einjeral, inisiativa lejizlativa ida nee ho objetivu atu prevene situasaun, exesional loos neebe ninia efeitu sekundariu sira grave liu no atu prevee kompensasaun tenke fo ba ema neebe hetan efeitu sekundariu hirak nee.

Dekretu-Lei nee define katak iha kazu inkapasidade kiik liu 30% neebe provoka husi vasina kontra COVID-19 sei simu kompensasaun ida ho valor dolar amerikanu rihun ida, karik inkapasidade neebe iha entre 30% no 70% sei simu valor dolar amerikanu rihun 2,100 no iha kazu vasina provoka inkapasidade boot liu 70% sei simu dolar amerikanu rihun 7. Iha kazu mate neebe bele akontese tanba simu vasina, sei simu kompensasaun ida ho valor dolar amerikanu rihun sanulu.

Verifikasaun husi situasaun ba mate ka inkapasidade no ninia relasaun ho vasina kontra COVID-19 sei halao tuir avaliasaun medika no Ministeriu Saude maka responsavel ba rekonesimentu direitu apoiu nian.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: