Governu Foka Liu Covid, Haluha Moras Seluk

Diretor Klinika Bairru Pite, Inacio do Santos. (Foto: Espesial)

DILI, STLNEWS.co – Agora dadaun governu foka liu ba Covid-19, no barak mak haluha moras seluk neebe oho dadauk populasaun iha teritoriu laran. Preokupasaun nee hatoo husi Diretor Klinika Bairo Pite, Inacio do Santos ba STL, iha nia knar fatin Bairo Pite Dili, Kinta (18/02/2021).

Inacio hatete, governu agora foo atensaun liu ba Covid-19, maibe haluha moras balu seluk oho dadauk populasaun.

“Agora ita nia governu foka loos ba moras Covid-19 no barak mak haluha moras seluk, tanba moras pandemia mundial, ema hotu-hotu tauk iha media iha neebe deit no publika konaba ida nee halo ema hotu tauk maibe ita labele haluha katak moras seluk neebe iha teritoriu laran oho dadauk ita nia populasaun” tenik nia.

Nia fo ezemplu see la sala iha dengue oho ema mais ou menus iha tinan ida nee oho ema barak ona, maibe governu la dun tau atensaun masimu hanesan Covid-19, maibe agora hare fila fali moras TBC, TBC kada tinan oho ita nia populasaun rihun ida resin, maibe governu la tau atensaun masimu hanesan agora Covid nee.

“Neebe hau nia observasaun katak, governu labele tau atensaun demais ba Covid, otomatikamente ita tau atensaun maibe labele haluha moras seluk neebe agora dadauk fo afeita neebe mak la diak”

Nia dehan, dengue kada loron dalaruma deteksaun neebe mak aas, no ema barak mak mate tanba dengue, iha TBC, iha HIV, iha moras neebe mak agora aumenta mal nutrisaun mos iha” ,ia dehan.

Mal nutrisaun iha klinika Bairo Pite kada fulan halo deteksaun too kronik sira nee duzentus ital ba leten, entaun ho ida nee signfika katak governu mos tenke tau atensaun ba moras sira seluk hanesan nee.*

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here