Governu Korea Apoiu Kama 550 Ba MS

DILI, STLNEWS.co – Ohin Governu Korea do Sul, liu husi Korea International Cooperation Agency (KOICA) & Organizasaun Mundial Saude (OMS), apoiu kama 550 ba Ministeriu Saude (MS), hodi distribui ba sala izolamentu sira no munisipiu sira neebe presiza kama.

Liafuan nee informa husi Diretora Jeral Prestasaun Servisu Saude iha Ministeriu Saude (MS), Odete da Silva Viegas ba jornalista sira iha MS, Kuarta nee (15/09/2021).

Nia dehan, apoiu neebe mak governu Korea do Sul liu husi Korea International Cooperation Agency (KOICA) fo ba MS nee laos primeira ves, sira apoiu ona Timor Leste iha tinan hira liu ba, nee sira halo konstrusaun maternidade iha Munisipiu Ainaro, nomos apoiu ai-moruk lumbringa nian ba labarik sira, nomos kama 550 neebe fo apoiu ba Governu TL.

“Governu Korea neebe apoiu kama ho total kama 550, maibe ohin ita simu 400 kama no 50 sei mai tan, maibe ida nee ho eletriku, no antes nee ita 100 kama neebe ita fahe ona ba tiha Munisipiu Ermera,” hatete Odete.

Nia esplika, kama 550 nee iha mos 50 kama neebe mak sei mai iha tempu badak, ida nee mak tau ba iha Intensive Care Units (ICU) sira, tanba ida nee kama eletriku.

“Ita haree katak, sira nia apoiu ida nee integradu, normalmente ema fo apoiu kama deit, laiha sumasu no laiha lensol, maibe kama ida nee sira mai ho pakote kedas, ida nee fasilita tebes MS,” nia informa.

“Ita sei fahe ba Munisipiu Suai, Liquiça, Ermera neebe ita fo 100 kama neebe antes nee ita fo uluk ona, tanba momentu nee sira iha variante Delta tama iha Munisipiu Ermera,” nia informa.

Maibe iha munisipiu 8 neebe mak sei fahe, Ermera simu uluk tiha ona 100 kama iha mumentu ida variante Delta tama iha neeba makaas.

Iha fatin hanesan, reprezentante Organizasaun Mundial Saude (OMS) Arvind Mathur esplika, KOICA liu husi OMS hodi apoiu kama total 550 no ohin fo 400 kama neebe atu apoiu ba MS, hodi fahe ba sala izolamentu sira neebe pasiente Covid-19 iha.

Tanba nee, kama sira neebe bele fahe ba area neebe iha emerjensia, nee OMS no MS sempre suporta governu no povu TL, tanba iha kama no maternidade seluk tan neebe durante nee apoiu ona.

“Laos Dili deit, maibe ami haree mos atu suporta ba mos munisipiu sira, liu – liu suporta kama ba izolamemtu sira,” hakotu nia.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: