DILI, STLNEWS.co – Tuir observasaun politika no Xefi Departamentu Politika Publika iha Universidade Nasional Timor Lorosae (UNTL), Felisberto de Carvalho informa, governu presiza tau osan boot ba Ministeriu Saude (MS) hodi bele sosa aimoruk.
Nia dehan, governu nia programa prioridade mak edukasaun, saude no agrikultura. kada tinan alokasaun orsamentu ba setor tolu nee kiik kompara ho setor sira seluk.
“Governu tenki prepara kondisaun inklui aimoruk, Orsamentu Jeral Estadu (OJE) tinan oin mai tenki aumenta hodi hola aimoruk neebe diak ba sidadaun sira,” tenik nia ba STL iha Kaikoli, Tersa nee (26/07/2022).
Nia dehan, saude 2-3% husi total OGE kada tinan. Ho alokasaun osan neebe kiik sei implika ba servisu, governu nia programa prioridade mak edukasaun, saude i agrikultura. Kada tinan alokasaun orsamentu ba setor tolu nee kiik kompara ho setor seluk.
(nat)
