DILI, STLNEWS.co – Restus mortais neebe deskonfia hanesan saudozu ba luta libertasaun nasional hamutuk kaixa 300 resin, mak sei kontinua rai hela iha mortuariu Hospital Nasional Guido Valadares (HNGV), tanba governu seidauk iha kapasidade atu halo teste DNA hodi identifika identidade mate ruin sira nee atu bele entrega ba familia.
Kestaun nee hatoo husi Xefe Departamentu Forensik iha HNGV, Nilton Tilman ba jornalista sira, Kuarta nee (27/04/2022).
“Iha nee kuaze kaixa 300 resin, no iha kaixa ida nia laran nee mate ruin laos ida ou rua deit, tanba nee barak ita rai hela iha loker fatin nee seguru, ita nia governu seidauk iha kapasidade atu halo teste ba DNA hodi identifika identidade mate ruin sira nee,” nia hatete.
Nia dehan, mate ruin sira nee deskonfia jeneral David Alex Daitula, Komandante Mauhudu Ran Kadalak no sira seluk tan, neebe tinan barak ona konserva hela iha fatin propriu mortuariu.
Kontinua ba pajina 2
