Governu Tenke Kontrolu Kualidade Ai-han Iha Merkadu

DILI, STLNEWS.co – Food Agriculture Organization (FAO) husu ba governu tenke kontrolu ai-han iha merkadu, tanba komunidade sira barak liu mak konsumu ai-han neebe importa husi rai liur, ida nee la fo nutrisaun ba ema nian isin.

Kestaun nee hatete husi Enkarregada Food Agriculture Organization (FAO), iha Timor-Leste, Paula Lopes da Cruz ba jornalista sira iha edifisiu Ministeriu Sauda (MS), Kinta (08/07/2021).

“Prioridade iha neeba presiza kualidade hahan sira iha ita nian merkadu sira, nunee bele buat neebe ita sosa, no ba konsumu bele fo diak ba ita nian isin laos estraga,” hatete nia.

Nia dehan, asesu ba hahan lor-loron mak asuntu neebe importante, tanba asesu ba hahan neebe nutritivu iha Timor-Leste, temi dehan hamlaha tanba fos laiha, maibe lae, asuntu ida laiha nee laos hamlaha, maibe hamlaha ida hahan ho variadade neebe sufisiente para bele fo enerjia, nutrisaun, mikronutriente sira, proteina, no seluk tan.

Paula Lopes da Cruz mos esplika, aihan neebe saudavel no nutritivu, dala barak mos haree husi parte aihan seguru nian, tanba dala barak relata asidente hahan ladun iha, nee tanba kontrolu kualidade hahan laiha.

Tanba nee husu ba Ministeriu Saude mos iha papel importante, nomos servisu hamutuk kontrolu ba kualidade hahan nian, tanba importante, nomos papel Ministeriu Komersiu mos iha importante iha kontrolu hahan nia kualidade, tanba sira mak haree konaba importasaun hahan mai rai laran.

Iha fatin seluk, Vice Ministru Saude (MS), Bonifacio Maucoli dos Reis informa dala barak maka populasaun konsumu no fo atensaun liu ba hahan sira neebe importa husi rai liur, maibe la fo atensaun ba hahan lokal.

“Ita hatene katak, hahan sira kimiku barak, maibe ita nia komunidade sira seidauk konsensia oinsa atu utiliza hahan sira neebe mak agora iha hela sira nia oin nee, “nia tenik.

Nia fo ezemplu, liu-liu konaba hahan nutriente, dala ruma sira fo han ba labarik sira, dala barak fo mak afarina, batar, maibe la kompleta ho modo, tanba ida nee mak impaktu ba dezenvolvimemtu labarik sira nian saude.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: