DILI, STLNEWS.co – Governu United Kindong (UK) servisu hamutuk ho Governu Timor-Leste (TL) liu husi Ministeriu Saude (MS), atu hadia nutrisaun iha TL.
“Governu UK apoiu orsamentu ba iha Ministeriu Saude, atu hadia malnutrisaun sira, nunee ita bele servisu hamutuk no husi UNICEF hodi nunee hadia malnutrisaun neebe mak iha ita nia rai,” tenik Ministra Saude, Elia dos Reis Amaral ba jornalista iha Salaun Palasiu da Sinzas, Kaikoli, Sabadu (30/09/2023).
Governante nee hatutan, apoiu husi Governu UK iha ekipa mil ital suporta inan nian, nunee suporta inan sira neebe mak bele tama sai uma hodi fo mensajen ba inan sira.
“Atu nunee bele hadia ita nia sistema malnutrisaun neebe mak iha, malnutrisaun nee hatene katak, labarik sira neebe mak tinan lima mai kraik, i malnutrisaun ba iha krekas maran nian, oinsa ita atu hadia ba iha fiziku labarik sira nia, ” tenik nia.
Iha fatin hanesan, Ministra Reinu Unidu ba Indo-Pasifiku Anne-Marie Travelyan informa, agradese tanba mai vizita TL.
Nia dehan, TL progresu neebe mak signifikativu tebes, iha area saude nian, hodi redus mortalidade, hasae atendementu servisu no treinamentu mediku ba professional saude sira, apresia katak, malnutrisaun ba labarik sira sai hanesan obstaklu ba governu TL, no iha komitmentu neebe forti atu responde ba ida nee.
“Hau hatene katak, manutrisaun nee sei sai signifikante tebes ba Timor-Leste, no governu TL iha komitmentu apoiu dezenvolvimentu no fiar katak, iha komitmentu neebe forte, atu iha sistema saude neebe mak forte, no importante ba siguransa saude global,” hatete nia.
Governu reinu unidu iha komitmentu neebe atu suporta saude global no siguransa saude nia.
Nia dehan, governu reinu unidu senti urgullu tebe-tebes ba sira nia atendementu saude nasional nian, no iha komitmentu ba iha peskija moris nian, no envolvimentu atu dezenvolve uja tratamentu foun sira.
Governu UK apoiu prioridade saude sira iha TL, programa 1 milaun cout sterling foun ida ne, nuudar ezistensia adisional atu apoiu TL ba jestaun anti rejistensia mikrobial. Governu UK mos nuudar fundador ba covax.
“Ami hatene katak, intervensaun nutrisaun bazeia ba komunidade iha bantajen neebe boot, intermus de valor ba osan nomos haforsa feto no familia sira atu hasae oan sira nia moris, neebe ba saudavel, ” tenik nia.
Nia afirma, fundu husi Governu UK nee sei primite atu apoiu grupu suporta inan sira ba iha munisipiu adisional sira iha TL, no habelar sira nia funsaun sira atu promove tratamentu malnutrisaun.
(nat/jac)
