Guarda Prizaun & Prizoneiru 143 Pozitivu Covid-19

DILI, STLNEWS.co – Ministra Saude (MS) Odete Maria Freitas Belo hateten, guarda prizaun no prizoneiru hamutuk ema nain 143 sei halo auto izolamentu iha prizaun Becora.

Ministeriu Saude liu husi ekipa vijilansia halo teste swab ba sira, tanba iha dadur ida afetadu moras Covid-19 neebe lakon ona nia vida iha Kinta (13/05/2021), wainhira halo hela tratamentu ba nia kondisaun iha sala izolamentu Vera Cruz.

“Ohin mai haree direta prizaun Becora nee, tanba iha guarda prizaun no dadur neebe pozitivu Covid-19. Aleinde iha mos moras seluk, tanba nee ohin komunika ona ho Ministru Justisa para haree tok sira neebe pozitivu maibe la iha sintomas dala ruma bele haree fatin ketak ba sira,” dehan Ministra Odete Maria Freitas Belo iha prizaun Becora, Sesta (14/05/2021).

Odete dehan, ho numeru infetadu barak iha prizaun Becora nee, MS sei tau atensaun liu ba sira neebe iha sintomas. Aleinde nee, iha mos moras seluk neebe ho idade liu 60 halo ona asegura ba sira, nunee bele iha kondisaun neebe mak diak para moras neebe labele to grave

Nia hatutan, tuir lista husi rezultadu teste maioria la hatudu sintomas, asintomatiku hotu deit, tanba nee sei halo auto izolamentu ba sira iha prizaun Becora nee.

Nia mos hatutan, MS sei apoiu kulsaun no fasilidade protesaun hanesan hand sanitizer ho maskra ba pasiente Covid-19 sira uza, wainhira kumpre auto izolamentu iha fatin nee.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: