Guarda Prizional 13 Rekoperadu

DILI, STLNEWS.co – Hafoin de afeita tiha covid-19, ikus mai rekoperadu guarda prizional halao nafatin sira nia knar, hodi tau matan ba prezu sira.

“Iha dia 11 de Maio ita nia prizional JG monu, hanoin kala moras babain, depois lori ba iha klinika prizaun Becora kontinua lori ba sentru saude Becora halo tratamentu, halo teste dala rua nia rezultadu positivu covid-19, lori tiha ba Vera Cruz liu loron tolu nia mate,” dehan Diretor Prizaun Becora, Joao Domingos ba STL, iha Prizaun Becora Tersa (01/06/2021).

Nia hatutan, depois de JG sofre tiha moras nee, nia hola kedan medida prevensaun kontaktu ba iha MJ, no MS hodi halo swab total ba dadur no guarda prizional sira, no ikus mai iha loron 14 rezultadu swab fo sai guarda prizional infetadu ba nain 9 inklui nia rasik, prezu sira 133 no lista primeiru hamutuk 142.

Nunee tuir fali lista segundu guarda prizional la iha, maibe iha prezu sira hamutuk 69, no saude kontinua mai halo swab, deteta tan nain 6 hamutuk 218 no husi sira nee maoria asintomatiku, ikus mai rezultadu husi swab nee guarda prizional nain haat hetan tan posetivu, husi numeru nee guarda prizional nain 13 maka afeita moras nee, ikus mai deteta tan guarda prizional ida numeru aumenta ba 14.

Nia afirma tan, pessoal saude sira hamutuk ho guarda prizional servisu direita iha fatin neebe tuir bloku, no foin lalais halo ona swab total sira negativu hotu, maiba kuidadu nafatin sira nia saude. Antes nee iha moderadu nain lima ida mate, haat tama tan moderadu, maibe sai hotu ona, hela deit ida.

Hatan konaba virus nee hadaet ba prezu sira liu husi neebe, direktor hatan moras ida nee ita bele hare ita bele sata netik, maibe moras nee iha mundu ema labele hare. Iha momentu neeba Dili aplika serka sanitaria no KO, MJ hasai despaisu hodi suspende familia ba vizita, no mos vizita sosial sira, no bele deit vizita husi advogadu no mos pessoal saude sira neebe halo tratamentu.

Tanba nee resepsaun husi diretor katak, ida mai husi guarda prizional sira, segundu husi sira neebe ba halo tratamentu iha HNGV hanesan fatin publiku, terseiru bele husi pessoal saude sira neebe mai halo tratamentu ba prezu sira iha nee. No tuir informasaun katak pessoal husi klinika Becora neebe ba halo tratamentu prizaun Becora iha mos sintomatiku.

Tuir observasaun STL nian iha prizaun Becora katak, atu prevene virus nee, ema neebe atu tama ba iha prizaun, sei desinfekta uluk, hafoin maka tama ba iha prizaun laran.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: