Hakarak Atividade Lao Normal, Taur Apela Komunidade Simu Vasina

DILI, STLNEWS.co – Primeiru Ministru (PM) Taur Matan Ruak apela ba populasaun atu partisipa iha kampania vasinasaun, nunee wainhira tasa partisipasaun aas governu bele normaliza hikas atividade hotu.

Kestaun nee Primeiru Ministru (PM) Taur Matan Ruak hatoo relasiona ho preokupasaun publiku nian kona ba rezolusaun governu neebe kontinua estende serka sanitaria iha munisipiu sira liu liu iha Munisipiu Dili.

“Hau hakarak apela ba inan aman no populasaun sira atu partisipa iha prosesu kampana vasinasaun nasional, tanba ida nee hanesan dalan ida atu salva ita nia vida, nomos avansa fila fali ba normalizasaun hodi nunee bele ajuda ita rekupera hikas ita nia atividade,” dehan PM Taur wainhira remata partisipa vasina ba segundu doze iha rezidensia Xefe Governu Farol, Sesta (18/06/2021).

Xefe governu dehan, populasaun sira labele duvida ho vasina no sei la oho ema, tanba desde lansamentu vasina premeiru doze iha loron 7 Abril 2021 to agora seidauk hamate ema.

Nia afirma, iha situasaun hanesan ida agora nee wainhira moras daet iha deit dalan rua neebe mak ema uza hodi salva nia vida, halo orasaun ba maromak no seluk tenki fiar ba mediku sira tanba sira mak sei bele salva ema nia vida.

“Ita labele loron kalan kontinua sulan bebeik iha uma, tanba nee solusaun neebe atu fo dalan ba ita hotu atu lao sai mak tenki partisipa iha kampana vasinasaun nee, hau fiar katak sira neebe sei iha kotuk no duvida ho vasina nee loron ida, loron ida sei se sira nia kabas atu simu vasina husi profisionais saude sira,” nia afirma.

Eis Prezidente nee dehan, senti kontenti tebes tanba iha ida semana ikus nee numeru partispasaun populasun atu simu vasina nee kontinua sae, no governu kontinua esforsu para apoiu profisionais saude sira tanba sira determinadu los iha prosesu ida nee hodi salva populasaun sira nia vida.

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: