Hakotu Covid-19, Tenke Disiplina Ba Regras MS

BAUCAU, STLNEWS.co – Administrador Postu Administrativu Baucau Vila Francisco Ximenes hatete, atu hakotu Covid-19 neebe mak dadaun sai ona transmisaun komunitaria iha munisipiu nee, sidadaun hotu tenke disiplina ba regras husi Ministeriu Saude (MS) nian.

Lia hirak nee Administrador Postu Baucau Vila, Francisco Ximenes hatete ba STL iha nia knaar fatin Vila Antiga, Baucau, Kinta nee (09/09/2021).

“Dalan atu hakotu infesaun Covid-19 mak ita tenke disiplina ba saude, no regras neebe mak iha ona,” dehan Francisco.

Nia hatutan, disiplina mak sidadaun hotu – hotu tenke kumpre regras MS nian uza maskara iha fatin publiku, bainhira lao sai husi fatin presiza fase liman ho sabaun no hand sanitizer, nomos halo distansiamentu sosial bainhira iha ema nain rua ba leten.

Nia informa, atu hakotu infensaun Covid-19 laos parte saude, Polisia Nasiona Timor Leste (PNTL), FALINTIL–Forsa Defeza Timor Leste (F-FDTL) deit mak esforsu luta hasoru Covid-19, maibe sidadaun hotu – hotu tenke iha konsiensia kumpre regras neebe MS estabelese ona, atu nunee bele halakon numeru Covid-19 iha Timor Leste.

Iha fatin seluk, Diretor Servisu Saude Munisipiu Baucau Domingos Reinaldo da Costa Guterres hatete, pesoal saude sira mos kontinua lao nafatin dezimina informasaun konaba prevensaun Covid-19 ba komunidade sira atu kontinua kumpre regras MS nian.

“Ita mos pasa nafatin informasaun sira liu husi Xefe Suku no Xefe Aldeia sira oinsa fo motivasaun ba komunidade,” katak diretor nee.

Nia husu mos ba parte jornalista sira neebe destaka iha Munisipiu Baucau kontinua pasa informasaun prevensaun Covid-19 nian ba komunidade sira liu husi radio, televisaun, jornal, no online, atu nunee loke komunidade nia hanoin iha konsiensia kumpre regras prevensaun neebe mak ministeriu saude (MS) estabelese ona.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: