HNGV Autoriza Cleaner – Mediku Simu Vasina

Parte Hospital Nasional Guido Valadares (HNGV) hahu simu ona vasinasaun AstraZeneca, hahu husi cleaner, seguransa too mediku sira, projesaun ba ema 1.200. (Foto: STL/Claudios de Jesus)

DILI, STLNEWS.co – Parte Hospital Nasional Guido Valadares (HNGV) hahu simu ona vasinasaun AstraZeneca, hahu husi cleaner, seguransa too mediku sira, projesaun ba ema 1.200.

Liu husi intervista, Diretor Klinika Hospital Nasional Guido Valadares, Doutor Flavio Brandão hatete, iha Hospital Nasional Guido Valadares rasik halo projesaun ba 1.200 pesoal, ho nunee pesoal neebe mak servisu iha HNGV bele hetan hotu vasina.

“Husi ita nia cleaner, seguransa, too mediku sira ho jerende tomak, ita enkoraza atu hotu-hotu bele hetan vasina,” hatete nia iha HNGV Bidau, Kinta (08/04/2021).

Nia hatutan, vasinasaun nee importante tebes ba sira nia atendementu lor-loron, tanba ho vasina nee sira bele ajuda aumenta tan imunidade pesoal saude sira neebe mak fo asistensia lor-loron ba pasiente sira.

Aleinde nee, Diretor Klinika HNGV nee esplika, vasinasaun nee mos ba Sentru Saude sira nomos hospital regionais sira hotu sei hetan.

Iha biban nee Flavio afirma liutan, parte mediku rasik ladun preokupa ho informasaun hirak neebe mak durante nee espalha iha sosial media konaba impaktu husi vasina nee rasik.*

Reportajen: Claudios de Jesus
Editora Domingas Gomes

LEAVE A REPLY

Please enter your comment!
Please enter your name here