HNGV Haruka Ona Lista Pasiente Mai Roo Peace Ark

DILI, STLNEWS.co – Hospital Nasional Guido Valadares (HNGV) haruka ona lista pasiente neebe mak halo ona screening iha HNGV mai iha Roo Peace Ark hodi halo tratamentu.

“Iha HNGV ami halo ona Screening ba sira neebe mak halo operasaun nain 10. Husi tilun nian nee iha nain 5, husi interloji nain 5, ortopedia nain 5. Husi matan nian iha nain 5 ona, neebe lista sira nee mak sei entrega mai iha mediku naval Xina nian, hodi halo atendementu ba sira nia moras,” dehan Koordenador Vizita Roo Peace Ark HNGV, Marcelino Correia ba jornalista iha Portu Dili, Segunda (04/09/2023).

Nia dehan, atendimentu neebe mak sira komesa halao mak iha loron 4 too 8 Setembru, neebe lista sira nee submete hotu ona mai ekipa brigada Xina nian.

HNGV mos koloka mediku mai hodi ajuda sira, iha mediku nain 9 mak haruka mai iha roo nee hodi bele ajuda mediku Xina sira, hodi fo atendimentu ba pasiente sira.

Iha fatin hanesan, Ministra Saude Elia dos Reis Amaral informa, hatoo agradese tanba ho Ro Peace Ark neebe mak mai too iha TL, neebe ho asistensia neebe mak ho medika espesializada no mai ho mediku jeral, infermeiru no tekniku aliadu sira neebe iha nee hotu.

“Tuir hau nia haree rejistu neebe mak ba ohin loron nian nee kuaje 500 ital, rejistu sira nee tenki mai husi HNGV, neebe sira nia rejistu nee mak preoridade, maibe ohin ho numeru neebe mak boot, entaun fo uluk preoridade ba idozu sira, neebe mak sira nia saude kritiku, depois sira seluk nee fo prepridade ba iha segundu ho terseiru dia neebe mak mai,” katak nia.

Iha parte sira nian halo kedas orariu, neebe kada loron sira sei simu pasiente 250 too nain 300 kada loron durante loron haat nia laran, atendimentu nee hahu ohin too iha loron 8 fulan Setembru tinan ida nee.

Nia akresenta, professional husi xina 126 profesional saude, ho mediku jeral, teknika, infermeira, no ho kama neebe mak iha nee 200 ital, entaun sira mai ho limitasaun, entaun ita mos tenki kumpriende sira, tanba sira mos tau orariu ba han, neebe tau uluk preoridade ba sira neebe mak presija tebes, tratamentu espesializada.

(nat)

LEAVE A REPLY

Please enter your comment!
Please enter your name here