DILI, STLNEWS.co – Relasiona ho semana mundial susu been inan, Hospital Nasional Guido Valadares (HNGV) promove susu been inan, hodi fo ba bebe foin moris no too fulan 6 nia laran.
Informasaun nee hatoo husi Xefi Gabinete no Komunikasaun Sosial HNGV, Parteira Sara Maria Xavier katak, susu been inan nian, HNGV adotpa hela politika kosok oan.
“Ita promove tebes susu been inan nian, fo ba bebe sira neebe foin moris, entaun loron-loron pesoal saude sira, parteira, mediku no infermeiru sira sempre fo formasan saude no enkoraja inan sira atu fo susu been inan nian ba bebe sira neebe foin moris no suporta mos husi Funsdasaun Alola,” dehan nia ba jornalista sira iha HNGV, Kinta (03/08/2023).
Nia haktuir, ba inan sira neebe mak difikuldade iha loron primeiru, bainhira partus liu husi istimulasaun ou mensajen ba inan sira nia susu, iklui mos fo promosaun ba nutrisaun neebe diak saudavel ba sira para susu been inan nian bele sai ho diak.
“Iha HNGV ami bandu bibiron ho susu been formula no supeta ba bebe sira neebe mak baixa iha HNGV. Loron-loron parteira no infermeiru sira sempre halo ba familia pasiente sira, neebe hetan susu been formula ho bebiron mak mai iha HNGV, ami sei foti, depois ami foti fo esplikasaun ba inan ka familia sira konaba impaktu neebe ladun diak ba oan sira, bainhira inan sira fo susu been formula ba bebe neebe foin moris,” katak nia.
Nia dehan, na fatin enkoraja inan sira atu fo deit sira nia susu been hahu husi bee moris mai too fulan 6.
(nat)
