HNGV Rejistu Kankru Susun Nain 5

DILI, STLNEWS.co – Oras nee dadaun Hospital Nasional Guido Valadares (HNGV) iha kazu real, neebe sira atende kada semana ema nain 3 ate 5, tanba ema barak iha ona konesimentu no konsiénsia atu aprezenta an ba mediku sira iha hospital.

Haktuir Diretor ezekutivu Hospital Nasional Guido Valdares (HNGV), Alito Soares ba jornalista sira iha nia knaar fatin, Kinta nee (7/10/2021).

Nia dehan, Timor Leste seidauk iha dadus nasional konaba kankru susun, maibe numeru kazu nee ezije governu atu estabelese unidade oncologia, investe iha rekursu humanu no ekipamentu mediku, atu halo tratamentu iha rai laran hodi eleva kualidade moris pasiente sira nian, redus taxa mortalidade no gastus, neebe governu apoia pasiente sira halo tratamentu iha Indonezia no Singapura. 

“Tratamentu nee akontese dadaun, kazu neebe mai sedu ita opera deit, la presiza tratamentu radiotherapy no chemotherapy, maibe kazu sira neebe presiza diagnostika histopatologia, ita halo tiha operasaun haruka amostra ba klinika privadu, hodi halo analiza iha Indonezia durante semana rua, rezultadu mai no ami sei fasilita maluk sira nee ba rai liur, hodi kompleta tratamentu radiotherapy no chemotherapy, tanba ita seidauk bele halo,” hatete nia.

Nia informa, HNGV iha mediku espesialista oncologia nasional nain rua no brigada Cuba ida, neebe halao hela esforsu atu dezenvolve gia tratamentu no lista medikamentu sira, atu aprezenta ba governu hodi estabelese unidade oncologia, atu halo diagnostika no tratamentu baziku ba pasiente sira.*

Reportajen: Jeniche da Costa

Editor : Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...