HNGV Selebra Loron Mundial Matan

DILI, STLNEWS.co — Tuir orariu husi Hospital Nasionál Guido Valadares (HNGV), Kinta aban (14/10/2021), liu husi unidade matan sei selebra loron Saude Mundiál Matan ho tema hadomi matan.

“Ita tenke halo prevensaun ba ita idak – idak nia matan, atu matan labele sai malahuk. Relasiona ho ida nee mak ita deside sentrál ba tinan ida nee ita foti tema ida katak, hadomi ita nia matan,”  haktuir Direktor Klínika HNGV, Marcelino Vicente Correia ba jornalista iha nia knaar fatin HNGV, Kuarta nee (13/10/2021).

Nia dehan, selebrasaun loron Saude Mundiál Matan sei realiza ho tratamentu moras matan ba maluk sira iha prizaun Becora no iha HNGV, tanba  durante pandemia Covid-19, movimentu tratamentu ba pasiente matan iha HNGV menus, tratamentu menus, tanba ema hotu tauk.

Nia esplika, ema tauk mai halo tratamentu, tanba HNGV sei aplika hela ninia regra Organizasaun Mundial Saude (OMS) nian, katak HNGV simu pasiente neebe ho urjente liu husi teste swab.

Iha fatin hanesan, Lamberto Moniz nuudar pasiente dehan, atendimentu iha sentru matan nee lao diak tebes, tanba iha espesialista matan neebe kualidade no sira mos atende ho diak.

Entretantu, tuir dadus neebe STL asesu, estatístika husi HNGV fo sai katak, durante fulan Setembru, pasiente ho idade adultu 533 mak halo tratamentu matan no labarik nain 5, enkuantu husi numeru adultu iha nain 22 mak matan hetan operasaun, tanba kauza husi katarak.* 

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...