ICU Movel Seidauk Funsiona

DILI, STLNEWS.co – Intensive Care Unit (ICU) movel neebe iha Hospital National Guido Valadares (HNGV) seidauk utiliza, presiza instala tan oksijéniu sentral no rekursu sei menus.

Kestaun nee hatoo husi Diretor Klinika HNGV, Marcelino Correia katak, ICU movel neebe mak simu fornese husi povu Amerikano mai iha Timor, neebe fo ba Ministeriu Saude agora iha hela HNGV nee, ICU movel iha momentu neeba atu utiliza ba iha pandemia Covid-19 nian.

Nia dehan, ICU movel nee halo ona hand over mai iha HNGV, iha hand over nee iha kama 10 atu utiliza ba iha pasiente neebe mak ho moras presiza atu atende emerjensia.

“ICU movel neebe mak HNGV simu nee iha parte balun mak seidauk kompletu instalasaun hanesan oksijeniu sentral nee atu utiliza ba pasiente sira neebe mak atu baixa, aumezmu tempu utilizasaun nee atu responde ba kazu urjente, neebe mak mai baixa iha HNGV, iha situasaun ida nee konsellu prepara hela rekursu tanba ita mos limitasaun ba iha rekursu, neebe mak durante nee ita prepara atu apoiu servisu ba iha ICU movel,” dehan nia ba jornalista iha HNGV, Tersa (06/06/2023).

Nia dehan, HNGV iha departamentu kuidadus intensivu nee, iha kama 6 deit, entaun kama 6 nee lasufisien, depois ita mos iha ICCU (Intershef care ba kardiolojia nian, ka fuan nian.

“Ida neebe mak ita prepara atu utiliza ba kardiolojia nian, neebe ita hanoin katak, ICU movel nee estende espesifiku ba sira neebe mak moras iha ICU nian, hodi nunee ajuda ventilador oksijen neebe mak prepara espesifiku tanba tanba ICU movel nee ninia instalasaun husi sentral nee mak seidauk iha,” tenik nia.

Momentu neeba MS sei prepara hela, neebe ICU movel nee prepara atu atende ba fuan, maibe seidauk hotu, entaun konsellu prepara atu fo baixa ba pasiente sira neebe mak foin opera hotu nee presija toba iha ICU, entaun utiliza fatin neeba.

Nunee mos Xefi Departamentu Kuidadu Intensivu ( ICU), Vidal de Jesus informa, ICU movel nee seidauk uza, tanba sei hein oksijeniu sentral seidauk instala.

“Too oras nee seidauk instala ICU movel nee, tanba seidauk instala oksijeniu sentral, neebe mak apoiu ba ema neebe mak atu baixa iha laran,” dehan nia.

(nat)

LEAVE A REPLY

Please enter your comment!
Please enter your name here