DILI, STLNEWS.co – Tuir dadus estatístika trimestral hahu husi fulan Janeiru too Marsu tinan nee, inan sira neebe partu iha maternidade Hospital Nasional Guido Valadares (HNGV) hamutuk 1.476 inan.
Kestaun nee hatoo husi Xefi Gabineti Kontrolu Kualidade no Komunikasaun Sosial iha HNGV, Sara Maria Xavier ba jornalista iha HNGV, Kuarta (05/04/2023).
“Depois inan neebe mak mai baixa iha maternidade, husi total inan sira neebe mak mai baixa nee iha inan partu hamutuk 1476, inan sira nee mak partu iha maternidade durante fulan tolu nia laran, hahu husi fulan Janeiru too Marsu hamutuk 1.476,” dehan nia.
Husi numeru nee, inan sira neebe mak partu normal hamutuk 959, depois inan sira neebe mak partu liu husi seharian nee iha nain 360, no sira neebe mak partu liu husi instrumentu iha nain 150. Bebe sira neebe mak moris mai ho pozisaun bebe ninia kidan mak uluk nee iha nain 99.
“Total inan sira neebe mak mate durante fulan tolu nia laran nee iha nain 3, kazu primeiru mak inan ida partu ho trauma iha ulun fatun no ho psikosis, entaun kazu nee grave tebes labele salva, depois kazu tuir mak pasienten refere husi Maliana, depois kazu tuir tan mak inan nee mai ho aborsiu inkompletu hetan violensia domestika, inan nee isin rua semana 13 mak nia hetan violensia domestiku hodi hetan abortus, raan fakar barak iha uma, bainhira too mai iha maternidade nee ho kondisaun todan,” tenik nia.
Nia hatutan, depois total bebe neebe mak moris, durante fulan tolu nee hamutuk 1.485, agora bebe sira neebe mak moris mai kaduak nee iha nain 33.
(nat)
