DILI, STLNEWS.co – Iha Julhu 2023, inan sira neebe partu iha maternidade Hospital Nasional Guido Valadares (HNGV) hamutuk 289.
“Total inan sira neebe mak partu iha maternidade iha fulan Julhu nia laran hakmutuk 289 mak partu iha maternidade HNGV,” lia hirak nee hatoo husi Xefi Gabinete no Komunikasaun Sosial HNGV, Parteira Sara Maria Xavier ba jornalista iha HNGV, Kinta (03/08/2023).
Nia dehan, husi numeru inan 289 nee inan sira neebe mak partu normal iha 187, enkuantu inan sira neebe mak partu liu husi operasaun sejariana 78. Depois inan sira neebe mak partu liu husi ventoneja ka partu instrumental iha nain 24, inan sira neebe mak partu ho bebe nia pozisaun kidan mak uluk nee hamutuk 10. Total bebe neebe mak moris iha HNGV nee hamutuk 299 bebe.
Nia haktuir, inan sira neebe mak mate iha fulan Julhu nia laran iha nain 2, kauza primeiru inan hetan infeksaun grave tebes, hodi afeta ba iha nia vida, entaun labele salva, inan nee refere husi Ermera, inan ho oan mate hotu tanba labele salva, bebe mate iha inan nia kabun laran, tanba inan hetan infeksaun neebe mak todan. Depois iha kazu daruak nian nee inan mate ho serangan jantung neebe mak akontese iha maternidade, pasiente nee sejariana hotu, tanba bebe nia inan moras fuan, entaun inan ho oan mate hotu kedas.
(nat)
