Inan Isin Rua Labele Tauk Hemu Ai-Moruk

DILI, STLNEWS.co Parteira iha Hospital Nasional Guidu Valdares (HNGV), Sara Maria Xavier husu ba inan isin rua sira labele tauk hemu ai-moruk vitamin, tanba ai-moruk nee fo benefisiu boot hodi prevene inan labele hetan anemia.

“Inan isin rua sira keta tauk hemu ai-moruk aumenta ran, tanba dehan bebe boot no partu susar, nee lalos. Ai-moruk nee nia benefisiu boot hodi prevene inan sira labele hetan anemia, neebe bele kauza ba hemoragia ou ran fakar depois partu, bebe moris premature, bebe moris pesu kiik liu hodi fo risku ba morbilidade no mortalidade prenatal,” hatete Parteira Sara iha HNGV, Kinta nee (14/10/2021).

Nia tenik, konsulta kuidadu antes natal, ne’e importante tebes ba inan isin rua sira atu bele hetan ai-moruk aumenta ran, kontrola kresimentu bebe iha kanotak, halo deteksaun sedu ba komplikasaun no infesaun sira hodi halo tratamentu sedu, tanba bele fo impaktu ba vida inan no oan.

Nia informa, inan isin rua tenke hemu ai-moruk aumenta ran loron – loron durante isin rua, no konsumu ai-han neebe iha valor nutriente, atu inan iha nutrisaun ne’ebe diak hahoris oan neebe kualidade.

Iha fatin hanesan, inan Abelita Soares Silva dehan, sensibilidade informasaun sira importante tebes atu muda ema nia hanoin, tanba inan barak hatene mak hemu ai-moruk aumenta ran, hemu bee malirin no han barak halo bebe boot, entaun partu susar.*

Reportajen: Jeniche da Costa

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...