INS Treina PS 1.736 Ba Area Vasinasaun

DILI, STLNEWS.co – Rekursu Humanus neebe Instituto Nasional de Saude (INS) fo refresher treinamentu ba profesional saude (PS) hamutuk 1.736 neebe ba halao aktividade vasinasaun ba populasaun iha Timor laran tomak.

Kestaun nee hatoo husi Diretora Ezekutivu Instituto Nasional de Saude (INS), Domingas da Costa Pereira ba STL liu husi telefone, Kinta (17/06/2021).

“1.736 mak ami halo refresher traning, sira nee servisu nanis iha Sentru Saude, Hospital, nomos Postu Saude sira, no husi numeru nee husi munisipiu 12 inklui RAEOA,” nia hatete.

Nia dehan, rekursu humanus neebe mak treinadu ba vasina iha area vaksinasaun nee sira profesional saude neebe maka koloka ba iha fatin refere, tanba montante 1.736 pesoas neebe INS fo refresher training ba sira.

“Ita nian profesional saude sira 1.736 nee iha munisipiu 12 inklui RAEOA, sira nee profisaun mai husi mediku, parteira, infermeirus, tekniku aliadus, ida nee envolve iha laran hotu,” nia informa.

Tanba refresher training ba sira hanesan sona iha neebe, no rejistu nee oinsa, para hetan dadus neebe klaru, depois karik iha sintomas ruma karik saida mak pesoal saude sira atu atende oinsa.

Nunee mos Diretora Jeral Prestasaun Servisu iha Ministeriu da Saude (MS), Odete Veigas da Silva dehan, Ministeriu Saude iha rekursu humanus neebe sufisiente atu servisu ba vasinasaun iha Dili laran no munisipiu 12 inklui RAEOA.

“Rekurus humanus ita sufisiente, ba deit vasina nee iha nivel teritoriu nasional ema neebe mak bem trenado nee ba iha vasina nee porvolta seti sentus trinta seis pesoas (mil 1.737 ), nee inklui mediku, infermeirus, parteiras no tekniku aliadu nomos tekniku administrativu sira,” nia afirma.

Nia mos hatutan, rekurus humanus ba ba ida nee sufisiente, maibe ho vasina Sinovac, neebe mai tan, tenke aumenta porvolta setenta sinku pesoas, para atu haree vasina Sinovac nee, tanba ida nee sei prioridade ba estudante sira no professores sira neebe iha Dili laran.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: