ISPA Aas Iha Manatuto

MANATUTO, STLNEWS.co – Moras neebe aas iha Munisipiu Manatuto mak Infesaun Respiratoria Aguda (ISPA), tuir fali mak diarea no seluk tan.

Kestaun nee hatoo husi Diretor Servisu Saude Munisipiu Manatuto, Mateus Vicente Corea, ba STL iha nia knaar fatin Manatuto, Sabadu (11/09/2021).

“Ita hatene katak moras neebe numeru aas iha Munisípiu Manatuto mak ISPA mak aas liu kuaze iha 80% neebe afeta komunidade tomak iha Munisípiu Manatuto,” dehan Diretor nee.

Diretor Servisu Saude Munisipiu Manatuto, Mateus Vicente Corea. (Foto: STL/Emerenciana Pinto)

Nia hatete, maske oras nee ho Covid-19 maibe sira mos kontinua esforsu aan oinsa halo atendementu nafatin ba komunidade neebe mak halo tratamentu iha Hospital.

“Ita hotu hatene maske ami nafatin esforsu iha Covid-19, maibe servisu seluk hanesan programa ISPA depois diarea SK Besida nee, parte neebe mak ami nia pesoal saude sira nafatin fo atendementu ba pasiente neebe mak afeta ba moras seluk nee,” dehan nia.

Nia hatutan durante konfinamentu obrigatoriu no serka sanitaria, parte saude sira kontinua halao knaar hanesan babain hodi fo atendementu ba komunidade sira.

Iha parte seluk, Diretor Organizasaun Saude Ba Ema Hotu (SABEH), Andre Belo hatete, liu husi SABEH neebe halo tratamentu saude ba populasaun inklui veteranus no antigu kombatentes libertasaun nasional iha Munisípiu Manufahi, rezultadu hatudu numeru ISPA aas.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: