Janeiru – Julhu HNGV Departamentu Forensik Halo Autopsia 51

DILI, STLNEWS.co – Tuir dadus estatístika Hospital Nasional Guido Valadares (HNGV) liu husi departamentu forensik, husi iha fulan Janeiru too loron 26 fulan Julhu tinan nee, halo ona autopsia ba kazu hamutuk nain 51.

“Kazu autopsia iha deit fulan hitu (7) nia laran, HNGV liu husi departamentu  forensik halo autopsia hamutuk kazu 51, distribuisaun bazeia ba distritu, iha Dili deit nee iha 29 kazu nee barak liu, tanba ita hotu hatene katak, ema hotu- hotu mai hela hotu iha Dili laran, depois tuir tan mak Munisipiu Likisa iha nain 4, tuir tan mak Bobonaro 3, Oecusse 2, Ermera 1, Baukau 1, Suai 3, Ainaro 1, Manufahi 1, no husi Internasional mos 1, nee mak total hamutuk 51,” lia hirak nee hatoo husi Xefi Departamentu Forensik iha Hospital Nasional Guido Valadares, dotor Nilton Tilman ba STL iha nia knaar fatin, Sesta nee (29/07/2022).

Depois bazeia ba distribuisaun fulan Jeneiru nee iha mane hamutuk nain 43, nee ho kazu omisídiu no suisidu, asidente no natural nee mane mak barak liu, feto iha nain 4, depois kazu neebe mak seidauk klaru nee iha nain 4.

Nia hatutan, atu identifika maneira nia mate nee oinsa, omisídiu ka oho malu nee iha ema nain 16, asidente iha nain 5, natural nee iha nain 13, depois kazu suisidu ka oho aan nee iha 11, depois kazu iha hela investigasaun nia laran nee iha nain 3, inklui ho seidauk halo autopsia nee iha nain 3, nee laiha razaun ka mate normal.

Kauza husi mate, oho malu nee sira uza saida mak hodi oho malu, sira baku no tuda hodi mate nee iha nain 3, sona malu iha nain 1, depois taa ho katana no samurai nee iha nain 10, depois iha kazu 2 nee kesi tali kakorok too mate, neebe kazu omisidiu ohin iha leten nee total hamutuk 16.

(nat)

LEAVE A REPLY

Please enter your comment!
Please enter your name here

NEWS UPDATE

Semana Oin Ekipa Konjunta Sei Buska Kompanhia Neebe Seidauk Selu Arendamentu

DILI, STLNEWS.co - Ministru Justisa, Tiago Amaral Sarmento hatete, iha semana oin ekipa konjunta sei halo buska ba kompanhia sira neebe seidauk selu arendamentu...

Inagura Sede Foun, Maibe Fasilidade Laiha

DILI, STLNEWS.co - Xefi Suku Akadiru Hun, Juvenal da Conceição hatete, nia parte kontenti ba efidisiu foun sede nian neebé inagura ona, maibe fasilidade...

Estabelese Tribunal Supremu, Kompleta Prosedimentu

DILI, STLNEWS.co - Jurista Timor oan konsidera, importante estabelese Tribunal Supremu Justisa atu kompleta prosedimentu prosesual. "Supremu tribunal ba justisa importante tebes, portantu ita presiza...