DILI, STLNEWS.co – Alokasaun Orsamentu Jeral Estadu (OJE) ba tinan 2023, mai iha Hospital Nasional Guido Valadares (HNGV) ho total US$ 13,567.234 milhoens, iha Janeiru too iha Junhu tinan nee ezekuta ona 34%.
Kestaun nee hatoo husi Diretor Administrasaun Finansas no Apoiu Lojistiku HNGV, Raul Humberto katak, ezekusaun orsamentu ba tinan 2023, orsamentu neebe aloka mai iha hospital nee hamutuk US$ 13,567.234 milhoens, ida nee alokasaun orsamentu mai iha HNGV.
“Ezekusaun orsamentu husi Janeiru too Junhu nee ita ezekuta ona 34%, nee too iha fulan Junhu tinan 2023,” dehan nia ba jornalista iha HNGV, Kinta (07/09/2023).
Nia afirma, agora ba iha salariu vensimentu sira nee, normalmente ezekusaun lao nafatin too iha trimestre segundu ezekuta ona US$ 4.559 milhoens, kolokasaun husi US$ 7,6 milhoens nee ezekuta ona, depois iha programa sira seluk mak akizasaun bens korentes alokasaun orsamentu US$ 1.7 milhoens nee ezekuta ona ba segundu trimestre purvolta US$ 6.32 mil mak ezekuta ona ba ninia persentajen 36 %, depois iha akizasaun servisu korentes sira nee alokasaun orsamentu purvolta US$ 3.1 milhoens, depois ita ezekuta too iha US$ 563 mil, depois akizasaun ba bens kapital aloka US$ 9.65 mil, depois ita ezekuta too iha segundu trimestre US$ 63 mil, tanba iha prosesu aprovizionamentu sei ezekuta hanesan.
(nat)
