Janeiru-Maiu HNGV Rejistu Kazu Omisidiu 12

DILI, STLNEWS.co – Iha fulan Janeiru too mai Maiu 2023, dadus estatistik Forensik Hospital Nasional Guido Valadares (HNGV) rejistu kazu omisidiu 12.

“Fulan Janeiru too Maiu nee forensik HNGV halo autopsia ba kazu omisidiu hamutuk 12,” dehan Xefi Departamentu Forensik iha HNGV, Nilton Tilman ba jornalista iha HNGV Kuarta (07/06/2023).

Tuir dadus estatistika forensik HNGV nee komesa husi Janeiru too Maiu tinan ida nee, primeiru Janeiru iha kazu omisidiu 2.

Nia dehan, husi kazu 2 nee kazu ida mak atrai ema hotu nia atensaun too mai agora, mak kazu omisidiu iha Elemloi. Depois iha Fevereiru iha kazu omisidiu 2, no iha Marsu mos kazu omisidiu 2.

Nia hatutan, iha Abril nee iha kazu omisidiu nain 4, depois kontinua mai iha Maiu nee iha kazu omisidiu nain 3.

“Neebe total kazu omisidiu nee hamutuk nain 12 nee hahu husi Janeiru too iha maiu, tanba ita nia rai nee fulan-fulan sempre akontese hela deit kazu omisidiu ka oho malu nee,” dehan nia.

Aleinde nee, iha mos kazu asidente nee iha hamutuk nain 6, nee durante fulan lima nia laran, depos iha kazu pur natural nee iha nain 4 nomos kazu iha hela prosesu investigasaun nia laran ne nain 2.

Nia afirma, maibe balun mai husu informasaun konaba kazu balun, ida mak hanesan kazu iha sela, nee mos hamosu polimika boot too agora, kazu de morte, buat sira nee hotu agora iha hela investigasaun nia laran, depois kazu ida padre mate nee, dala ruma ema husu fali kazu sira nee ba ami, nee normal, tanba forensik nee mos hanesan komponente vital ida, neebe importante ida husi prosesu investigasaun atu hatete kazu sira nee.

(nat)

LEAVE A REPLY

Please enter your comment!
Please enter your name here