Janeiru Pasiente 4.639 Tama Emerjensia

Xefe Gabinete Kontrolu Kualidade no Komunikasaun Sosial, Iha Hospital Nasional Guido Valadares (HNGV), Sara Maria Freitas Xavier. (Foto: STL/Jeniche da Costa)

DILI, STLNEWS.co – Hahu husi fulan Janeiru tinan 2021, Pasiente neebe tama iha sala emerjensia Hospital Nasional Guido Valadares (HNGV), hamutuk 4.639.

Hatete Xefe Gabinete Kontrolu Kualidade no Komunikasaun Sosial, Iha Hospital Nasional Guido Valadares (HNGV), Sara Maria Freitas Xavier ba jornalista sira, iha nia knaar fatin, Kurta (18/02/2021).

”Ita haree numeru neebe mak aas iha sala emerjensia nee relasiona ho situasaun tempu udan, tanba maioria nee iha sala pediatria barak, hanesan moras diarea, dengue, asidente no seluk tan, tanba nee mak ita tau hamutuk 4.639 pasiente,” nia hatete.

Nia dehan, pasiente neebe husi emerjensia durante fulan Janeiru nia laran hamutuk 2,397, no sira neebe mate hamutuk nian 16.

“Ita fahe ba rua, tanba iha nain 6 mate kedas iha dalan nian, nain 10 mate iha sala emerjensia,” nia infroma.

Sara hatutan, pasiente balun mate tanba hipertensaun, balun mate tanba ran neebe fakar demais nia shock depois mate, iha balun atakasaun fuan, depois mediku sira labele salva entaun mate, nomos balun mate tanba kazu komplikasaun sira seluk.

Depois pasiente sira nee balun mai husi Munisipiu Lautem, Ermera no Dili, maibe maioria husi Ermera no Lautem, depois sira seluk mai husi Dili.

Entertantu dadus neebe STL asesu iha terenu, husi numeru pasiente neebe iha, inklui mos asidente trafiku ho motor 104, nomos asidente kareta nain 8, violensia fizika domestika nain 10, no hetan sona nain 2, violensia fiziku sosial nain neebe mak hetan tudan nian 2, rama ambon nain 1, ema tuku nain 6, depois violensia seksual nain 1.

Aleinde nee mos, sira neebe mak intositasaun nee ho intensaun hakarak oho aan nain 4, asidental nain 4, depois ema neebe mak lanu todan nain 13.*

Reportajen: Jeniche da Costa
Editor: Ekipa STL

LEAVE A REPLY

Please enter your comment!
Please enter your name here