Jere Vasina Ladun Diak

DILI, STLNEWS.co – Forum ONG Timor Leste (FONGTIL), konsidera Ministeriu Saude inkapasidade jere vasina, tanba iha terenu populasaun barak antusiasmu hakarak simu vasina, maibe informasaun husi SAMES katak vasina hotu.

Liu husi konferensia imprensa, Diretor Ezekutivu FONGTIL, Daniel dos Santos do Carmos katak, FONGTIL halao nia knaar hodi apoiu politiku governu nian katak too Dezembru 2021 populasaun mais 80% simu ona vasinasaun. Nunee FONGTIL asegura katak oinsa Ministeriu Saude sira presta atendementu ba populasaun sira nunee bele hasae partisipasaun populasaun hodi simu vasina.

Tanba nee FONGTIL destaka membru NGO 44 neebe halo monitorizasaun ba problema vasinasaun iha postu 65 iha 12 munisipiu inklui RAEOA hodi monitoring problema refere hahu husi fulan Junu nee no sei remata iha fulan Dezembru 2021.

“Deskobrementu iha terenu, iha Sentru Saude Fatululi, Munisipiu Covalima komunidade hotu hakarak simu vasina, maibe vasina maka laiha,” dehan nia ba jornalista iha Salaun FONGTIL, Caikoli, Dili, Sesta (25/06/2021).

Nia dehan, tanba nee FONGTIL kestiona kapasidade governu no FONGTIL konklui katak Ministeriu Saude dezorganizadu, entermus maneja distribuisaun vasina ba teritoriu nasional, tanba nee maka komunidade hakarak simu vasina maibe vasina maka laiha fali, nunee ministeriu nia problema iha neebe.*

Reportajen: Santina Castro
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: