JICA Entrega Ekipamentus Prevensaun Ba HNGV

Foto: STL/Donaciano Magalhães)

DILI, STLNEWS.co – Japan International Cooperation Agency (JICA) entrega ekipamentus prevensaun ba profesional saude sira iha Hospital Nasional Guido Valadares (HNGV).

Liafuan nee haktuir husi Diretor Ezekutivu Hospital Nasional Guido Valadares (HNGV), Aniceto Barreto liu husi deskursu iha HNGV, Tersa (15/03/2021).

Nia dehan, JICA apoiu governu Timor Leste, liu-liu professional saude sira iha Hospital Nasional Guido Valadares (HNGV) hodi kombate surtu COVID-19,

“JICA entrega ekipamentus prevensaun ba ita nia hospital, ekipamentus prevensaun mak hanesan, alkohol, maskra, hand sanitizer, luvas ba sirurjia no sabaun.” dehan nia.

Nia apresia tebes ba apoiu ida nee, no konsidera ekipamentu prevensaun sira nee importante tebes, liu-liu iha situasaun ida nee.

Entretantu, reprezentantate JICA iha Timor-Leste, Goto Ko informa, apoiu ekipamentu prevensaun hirak nee hanesan kontinuasaun kooperasaun entre JICA no HNGV.

Nia hatutan, JICA mos iha voluntariu sira hodi apoiu HNGV, tanba haree ba numeru kazu positivu neebe aumenta loron ba loron, espera katak ekipamentu sira nee bele proteje professional saude sira husi moras COVID-19, wainhira halo sira nia knaar loron-loron.

Reportajen: Jeniche da Costa/Madalena Horta
Editora: Domingas Gomes

LEAVE A REPLY

Please enter your comment!
Please enter your name here