Jullu HNGV Hatama Reseita US$ 29,833 Ba Estadu

DILI, STLNEWS.co – Iha fulan Jullu tinan 2021, Hospital Nasional Guido Valadares (HNGV) konsege hetan reseita ho montante US$ 29,833.65 ba kofre estadu.

Liafuan nee haktuir husi Diretor Administrasaun, Finansas no Logistika iha HNGV Dili, Duarte Marçal de Araújo ba jornalista sira iha nia knaar fatin Kinta nee (09/09/2021).

Nia dehan, HNGV iha fonte reseita kuaze 15 inklui laboratoriu, vasina yellow fever, fatin aluga ba sentru matan, enfermaria, hemodealisa, operasaun, x-ray, maternidade, emergensia, fisioterapia, check-up, maibe montante barak liu husi sala VIP.

“Fonte reseita barak, maibe ida neebe boot liu mak enfermaria espesial ou VIP. Hanesan ita haree iha fulan Jullu deit ita hetan US$ 10,715 no iha fulan Junu iha US$ 9,000 resin, tanba nee ita planu atu halo VIP diak hodi bele hetan reseita neebe boot kontribui ba rendimentu estadu nian,” hatete nia.

Nia esplika, iha tinan 2021 planu ona atu hariii sala VIP foun, maibe dezenu neebe iha ho orsamentu neebe boot kuaze US$ 2 milloens, tanba nee labele ezekuta ho orsamentu hospital nian, tenke liu husi Ministeriu Obras Publikas, entaun la konsege realiza projetu ida nee.

Entretantu, Familia pasiente Inasio Moreira dehan, tuir lolos hospital iha fonte reseita barak, maibe presiza hadia infraestrutura sira iha laran atu fo satisfasaun ba sidadaun sira neebe hili baixa iha VIP.*

Reportajen: Jeniche da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: