DILI, STLNEWS.co – Xefi Departamentu Saude Adolesente no Juventude iha Ministeriu Saude, Silvano Pedro rekonhese katak, oras nee daudaun juventude sei menus informasaun ba saude reprodutivu no prevensaun ba moras sira.
“Ita nia juventude sei menus informasaun ba adolsente no juventude nian ba saude reprodutivu no prevensaun sei menus tebes, tanba nee monu ba situasauns sira hanesan isin rua sedu no hetan moras lahadaet, halo sira sai vulneravel,” hatete Xefi Departamentu Saude Adolesente no Juventude iha Ministeriu Saude, Silvano Pedro, ba jornalista sira iha Timor Plaza, Kuarta nee (27/07/2022).
Nia esplika, iha problema nee adolsente no juventude sira iha area urbanu no rural hasoru mak kazu soe bebe, ikus-ikus nee numeru aumenta, tanba nee esforsu Ministeriu Saude nian atu kontribui ba prevensaun mak hasae konhesimentu adolsente no juventude sira nian konaba saude reprodutivu.
Iha fatin seluk, estudante UNPAZ Deolindo Fernandes foti Fakuldade Saude Publiku informa, saude nia tema katak, saude iha ita nia liman rasik, maibe joven barak mak seidauk iha konhesimentu diak konaba saude, sei bele husu ba Ministeriu Saude tenki fo informasaun ba juventude sira konaba saude reprodutivu no prevensaun ba moras hotu-hotu iha Timor-Leste (TL).
“Ita haree joven barak liu mak menus informasaun, tanba nee sira la hatene saida mak saude pozitivu no prevensaun ba moras sira, por zemplu HIV, HIV nee mai husi neebe no oinsa mak bele kona ema, sei kona ona oinsa mak halo prevensaun, ida nee deit la komprende ona sa tan saude produtivu, tanba nee ita haree kuaze ema soe bebe iha fatin-fatin,” nia informa.
(jen)
