Kada Semana HoREX Sosa Bee Moos Tanke 8

BAUCAU, STLNEWS.co – Kada semana Hospital Eduardo Ximenes (HoREX) Baucau sosa bee moos tanke ualu (8) hodi fornese ba nesesidade pasiente sira.

Kestaun nee hato’o husi Diretur Administrasaun Finansas i Lojistiku, Jaime de Araujo de Jesus ba jornalista iha nia knaar fatin HoREX Baucau, Tersa nee (07/09/2021).

“Kada Sabadu no Domingo nee ami hola bee moos tanke ualu (8) nee jata tiha ona, hakarak ka lakohi ida nee mak foin sufisiente,” dehan nia.

Nia hatutan, makina supa bee moos neebe mak avaria iha Hospital Rejional Baucau, durante nee servisu agua saneamentu ba oferese bee moos, maibe dala barak servisu agua saneamentu feriadu la bele halo distribuisaun bee moos ba hospital nee.

Nunee obrigatoriu tenke kada semana sosa bee moos, atu nunee bee moos la bele sai fila fali preokupasaun boot ba pasiente sira.

Nia relata, bee moos neebe mak parte saude HoREX sosa kada semana tanke ida folin US$ 11, nunee ba semana ida osan neebe mak gastus ba bee moos hamutuk US$ 88.

Iha fatin seluk, Diretora Servisu Agua Saneamentu (SAS) Adriana Belo da Rosa hatete, tuir planu esteitmentu bee moos ba HoREX oferese husi SAS, nee HoREX rasik mak dezenu no halo pnalu, maibe parte SAS ba liga deit, nunee mos iha responsavel kontinua fahe bee moos ba HoREX.

“Laos ami mak fahe debitu bee ba sira, tuir buat neebe mak iha neeba ona bee tuir deit ba,” tenik diretora nee.

Nia rekonese, bee moos neebe mak dala ruma la to’o iha HoREX laos parte SAS mak la fahe bee moos, maibe nee kauza husi eletrisidade mak mate.

Nia esplika, bee matan neebe mak iha Munisipiu Baucau, bee matan ida deit no mos uza bomba eletriku, nunee bainhira eletrisidade mate, distribuisaun mos la bele lao.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: