KBP Rejistu Moras Respirasaun 920

Diretor Klinika Bairru Pite, Inacio do Santos. (Foto: Espesial)

DILI, STLNEWS.co – Durante fulan Janeiru tinan 2021, klinika Bairru Pite rejistu numeru pasiente, neebe moras inspesaun respirasaun hamutuk 920. Lia hirak nee hatoo husi Diretor Klinika Bairru Pite, Inacio do Santos ba STL, iha nia knaar fatin KBP, Dili, Tersa (16/02/2021).

“Iha fulan Janeriu nia laran moras neebe mak as liu nee laos deit iha klinika Bairru Pite, maibe iha fatin hotu hotu hanesan, maibe klinika Bairru Pite rasik iha fulan Janeriu rejistu moras neebe mak numeru ass nee mak inspesaun respirasaun, neebe total kazu hamutuk 920,” tenik nia.

Inasio haktuir depois numeru pasiente neebe tuir kedas iha pasiente neebe konsulta mak maternidade, nee mak prenatais, partus ho posnatais hamutuk 437, nutrisaun total pasiente hamutuk 240, tuir fali mak moras kulit total pasiente 206, moras HIV iha pasiente 168, depois iha moras diaria 201 pasiente, maibe maioria diaria nee labarik kiik sira, no total 201 konaba diaria nee iha nain 4 mak raan.

“Ita iha 40 kazu TBC no mos iha kazu dengue nain 2, moras seluk hipertensaun ho diabetes, no tratamentu sira seluk hanesan lepra, inklui atendementu emerjensia neebe ho sira nee total besik 4 mill pasientes mak halo tratamentu iha nee durante fulan Janeiru nia laran,” nia salienta.

Nia informa pasiente sira nee laos iha munisipiu Dili deit, maibe bele dehan katak 70% nee mai husi munisipiu Dili, noo 30 % mai husi munispiu sira seluk, ezemplu kazu TBC bele dehan 30 ital pursentu husi kazu detektasaun iha klinika Bairru Pite nee mai husi munispiu Ermera, inklui subdistritu sira neebe iha.

Responsavel nee hatete, iha pasiente ida rua sente katak la iha posibilidade bele halo tratamentu iha nee tanba fasilidade, depois mediku espesialista ida deit halo tratamentu, neebe akuradu entaun iha pasiente sira nee ita sente katak labele atu halo tratamentu entaun transferensia kedas ba Hospital Nasional Guido Valadares.

“Ezemplu foin dadauk iha pasiente ida moras dengue entaun transfer kedas baa HNGV, maibe la konsege salva no lakon vida iha HNVG, depois pasiente ida iha fulan Fevereiru nia laran iha pasiente ida transferensia ba iha Hospital Nasional, ikus mai lakon vida nee mai husi Ermera,” tenik nia.

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here