Kleur Tebes MS Seidauk Paga Subsidiu Lina Frente Ba Pessoal Balu

DILI, STLNEWS.co – Deputada Nelia Menezes husu klarifikasaun ba governu liu husi Ministeriu Saude, tanba saida mak ate agora pessoal saude balu seidauk simu pagamentu ba lina frente.

Kestaun nee hatoo husi Deputada Bankada Fretilin Nelia Menezes, iha sesaun plenaria banhira debate proposta OJE 2021 iha espesialidade ba loron datoluk.

“Fundu covid atu selu ema ba lina frente too agora ema balu seidauk hetan, nee bainhira loos mak atu selu? Tanba ami husu desde fulan Junnu maibe too agora seidauk simu, kleur ona, ami husu bei-beik maibe seidauk halo pagamentu deit”, kestiona Deputada nee.

Hatan ba kestaun nee Ministra Saude Maria Odete katak, hakarak ka lakohi Dezembru nee sira tenke hala ona pagamentu hotu, iha barak mak simu hotu ona, maibe balu mak seidauk simu, maibe sei buka oinsa atu pagamentu iha fulan Dezembru nee, tanba tempu mak fulan Dezembru nee ona.*

Reportajen: Guilhermina Franco / Domingas Soares
Editor: Ekipa STL

LEAVE A REPLY

Please enter your comment!
Please enter your name here