Komunidade Bairru da Paz Kolabora Vasina; Joven 1 Dezmaia

DILI, STLNEWS.co – Komunidade iha Bairru da Paz, Aldeia Terra Santa, Suku Madohi, koopera diak ho pesaol saude no autoridade lokal hodi simu vasina ba prevensaun Covid-19. Enkuantu iha vasina nee joven mane ida dezmaia, maibe halao ona tratamentu.

Tuir Koordenador Sub Komite Seguransa Vasina, Josefina Clarinha João katak, haree ba partisipasaun komunidade sira iha vasina nee, sira nia parte sente kontente, tanba komunidade sira antusiazmu hodi hatudu sira nia kooperasaun ba partisipasaun iha vasina.

“Iha aldeia Terra Santa nee ami tarjetu ba ema nain atus 1, maibe ami mai numeru liu, ida nee hatudu katak komunidade preokupa ho sira nia saude, tanba nee nudar pesoal saude prontu ajuda. I iha vasina nee iha joven mane ida dezmaia, maibe husi parte Sentru Saude Comoro, ami atende kedas,” dehan Koordenador Sub Komite Seguransa Vasina, Josefina Clarinha João ba STL Kinta lokraik (13/05/2021) iha BTN II, Tasi-Tolu.

Nia dehan, vasinasaun nee halao durante loron 3 ona, no sei kontinua tanba komunidade sira barak mak mai atu vasina. Iha vasina nee iha joven mane ida dezmaia, maibe husi parte Sentru Saude Comoro, atende kedas, bainhira nia dezmaia, enkuantu kona ba joven mane dezmaia nee, sira husi parte saude husu tuir nia istoria hatete, husi dadersan kedas nia mai hein iha nee lahan no lahemu too lokraik, tan nee nia enerjia fraku hodi halo nia oin halai hodi monu, tanba ema nee presiza enerjia.

Joven mane ida dezmaia, polisia sei halo investigasaun hodi hatene lo-lolos motivu saida mak sai hanesan nee. (Foto: STL/Guilhermina Franco)

“Hau espera katak nia kauza mak ida nee maibe ami mos iha komisaun ida neebe halo investigasaun ba kazu sira hanesan nee hodi hatene lo-loos motivu saida mak sai hanesan nee, neebe hein rezultadu investigasaun mak ami bele fo fali,” katak nia.

Nia hatete, agora dadaun vasina ba populasaun sira iha munsipiu Dili, kuaze rihun 5 mak simu ona vasina, desde hahu lansa vasina mai too agora.

Nunee mos Eperança de J. Calau hanesan Xefe Aldeia hateten, komunidade husi Aldeia Terra Santa, Suku Madohi, Postu Dom Aleixu, koopera diak tebes hodi simu vasinasaun husi parte saude, tan nee komunidade sira simu vasina nee ba loron 3 ona, maibe antes atu vasina autoridade hamutuk ho pesoal saude sira halo sosializasaun hodi tama sai uma hodi foti lista se mak hakarak simu no se mak lakohi la obriga.

Nia haktuir, bainhira halo sosializasaun, sira foti lista neebe mak oituan deit, maibe depois vasina hahu, partisipasaun komunidade sira nee barak tebes no liu fali lista neebe mak sira rekolia antes nee, ida nee hatudu katak komunidade koopera diak ho pesoal saude. Tanba tuir lista neebe mak sira foti iha komunidade atus ida (100) mak rejistu hakarak atu vasina, maibe bainhira vasina nee hahu, numeru liu husi ida neebe sira rekolla antes nee.

“Iha vasina nee ba loron datolu, horisehik iha tuku 3 akontese joven mane ida dezmaia, ida nee parese tanba hamlaha, tanba dader kedas nia mai hein, i asves nia kalan hader tanba nee mak akontese hanesan nee, maibe ho akontesementu nee lori kedas ba Sentru Saude Comoro”, katak nia.

Tuir nia, agora dadaun komunidade sira barak mai, hodi husu atu vasina, ida nee hatudu katak sira iha kooperasaun diak tebes.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: