Komunidade Balun Konsumu Bee Posu

DILI, STLNEWS.co – Too agora komunidade balun iha Suku Bairru-Pite, Aldeia Likarapoma, Postu Administrativu Dom Alexo, Munisipiu Dili sei kontinua konsumu bee posu.

Kestaun nee hatoo husi Fernanda de Jesus, hanesan komunidade Suku Bairru-Pite dehan, laos ema hotu iha aldeia ida nee uza hotu bee posu, maibe balun deit mak too agora sei kontinua konsumu bee posu, maibe iha komunidade balun fura rasik bee para sira bele uza bee mos.

“Ami nian aldeia ida nee too agora komunidade sira sei kontinua nafatin konsumu bee posu, uza bee posu ida nee ba tein, fase ropa no haris. Ami uza bee posu ida nee laos foin mak uza, maibe desde uluk kedas, dala ruma bee posu ida nee ami uza fali sanyo, para ita evita dada bee posu,” dehan Fernanda ba STL iha Bairru-Pite, Dili, Sabadu (17/04/2021).

Tuir observasaun STL iha terrenu, komunidade uma kain tolu (3) ou hat (4) uza hamutuk bee posu ida, bee posu nee komunidade sira uza ba tein, haris, no fase ropa.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here