Komunidade Caicoli Lasatisfaz Ho Servisu Ministeriu Saude

DILI, STLNEWS.co – Komunidade Caicoli lasatisfaz ho servisu Ministeriu Saude neebe halo teste Swab ba sira, tanba fo sai rezultadu lalos.

Tuir xefe suku Caicoli, Hipolito Marques Sarmento katak, nia komunidade sira lasatisfas ho razaun ida, tanba komunidade Caicoli koopera ho governu, tanba iha loron 7 Maiu nee komunidade Caicoli halo teste Swab iha sede suku, tanba nee komunidade hotu hotu koopera ho governu.

“Ami tuir tiha teste Swab iha loron 7 iha domingu husi saude identifika katak, iha suku Caicoli neebe foin halo teste iha rezultadu ema pozitivu ba covid iha ema 14, iha lokraik husi saude mai foti tan ema 17, ami koopera nafatin ho governu, maibe liu tiha loron lima ona, iha ohin dadar saan Tersa feira husi saude dehan, ema pozitivu ba Covid 21, tanba nee hau nia komunidade sira lakohi fo,” dehan nia ba STL, iha nia knaar fatin, Caicoli, Dili,Tersa (11/05/2021).

Nia dehan, komunidade sira lakohi atu fo tan ema 21 nee, ho razaun tanba, teste Swab liu tiha loron 5 ona, tanba nee komunidade sira lasimu, tanba liu tiha loron hira ona, hafaoin detekta, ida nee signifika iha suku Caicoli hetan hotu moras nee, tanba durante nee sira halo movimentu ba mai.

“Hau nia komunidade sira lakohi simu, tanba nee Ministeriu Saude harakak duni atu mai foti tan ema 21 nee, diak liu komunidade Caicoli ba tama hotu karantina,” dehan nia.

Autoridade lokal nee dehan, nia hakarak koopera ho governu, maibe wainhira komunidade sira lakohi koopera maka autoridade lokal mos sei halo tuir komunidade, tanba kuaze komunidade total lasatisfaz.

Iha fatin hanesan xefe juventude suku Caicoli, Raimero do Santos da Costa haktuir, durante nee sira koopera ho governu husi inisiu halao teste Swab iha loron 7 komunidade sira koopera diak ho governu, husi rezultadu teste Swab nee SIJK iha suku Caicoli iha komunidade 33 maka pozitivu, nunee husi parte saude mai foti komunidade neebe pozitivu hodi lori ba iha kuarentena.

“Ami laduun satisfas deit tanba rezultadu ida fo sai ikus nee iha loron Tersa nee, tanba liu ona loron lima foin identifika fali iha 21 pesoas maka pozitivu, tanba nee komunidade lasatifaz, tanba husi SIJK fo sai katak total komunidade iha Caicoli neebe tuir teste Swab iha 33 pesoas maka pozitivu,” dehan Raimero.

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: