Komunidade La Uza Ona Bee Posu

DILI, STLNEWS.co – Komunidade iha Suku Zulo Atas, Postu Administrativu Zumalai, Munisipiu Covalima, la konsumu ona bee posu neebe durante tinan barak nian laran sira uza.

“Bee posu nee ami la uza ona, tinan barak nian laran ami uza bee posu ida nee mak bele responde ami nian nesesidade lor-loron nian, maibe bainhira ami asesu ona bee torneira neebe mak dada ona mai ami nia komunidade sira, entaun bee posu nee ami la uza ona, ami uza deit bee torneira nee ba tein, fase roupa no haris, ita hatene katak tinan barak nian laran ami uza bee posu neebe mak iha. Maibe uluk tempu ba loron kalan ami tenke ba tur hein deit bee, tanba ami lalin iha tempu kalan deit, dala ruma ami hein bee nee too kalan tuku 2 resin mak foin toba, tanba ema barak mak uza hotu bee ida nee,” dehan Justina Maia hanesan komunidade Suku Zulo Atas ba STL liu husi telefone, Tersa (22/06/2021).

Nia dehan, dadaun nee sira sente kontente, tanba kada loron bee tornera nee sai hela deit, no sira ida-idak bele uza mangera liga ba sira nia uma, tanba bee nee sai kada loron, maske uluk sira susar asesu ba bee mos, maibe ho bee tornera nee bele responde ona sira nia nesesidade lor-loron nian.

“Bee nee ami uza ba tein, fase roupa no haris, maibe bee posu iha bidon nee ba dala ruma ami uza ba hemu, tanba nee malirin, agora bee posu iha heran gol mak ami la uza ona, tanba ami uza deit mak bee tornera ida nee, uluk ami uza hotu bee posu nee ba tein, haris no fase roupa, dala ruma ami lalin mai too uma mak haris no uza fase ami nian roupa,” dehan nia.

Nunee mos Xefe Suku Zulo Atas, Postu Administrativu Zumalai, Munisipiu Covalima, João Lopes de Carvalho hatete, komunidade iha Suku Zulo Atas asesu diak ona bee mos, dala ruma bee nee la sai, entaun kompania neebe dada bee mos nee ba halo kontrola, atu nunee bee nee bele sai lancar ba komunidade sira.

“Ita hatene katak, durante tinan barak ona ita nian komunidade sira iha area ida nee asesu deit bee posu, maibe bainhira dada bee mos ou bee tornera, nee sira komesa asesu hotu bee ida nee, tanba komunidade sira nee tinan barak ona aeesu bee posu, maibe ho bee tornera neebe dada tiha ona, nee ita nian komunidade sira bele asesu diak bee ida nee,” tenik nia.*

Reportajen: Jacinta Sequeira
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: