Komunidade Tenke Tuir Vasina

DILI, STLNEWS.co – Xefe Suku Bairru Pite husu ba ninia komunidade sira tenke tuir vasina, atu nunee hasae imunidade kontra pandemia Covid-19.

Xefe Suku Bairru Pite, Joao Batista Belo, hatete husu nafatin ba komunidade sira bele tuir vasina kontra Covid-19, tanba atu hasae imunidade neebe forte hasoru moras ida nee tenke tuir vasina, hanesan autoridade lokal sempre fo hanoin nafatin ba komunidade iha Suku Bairru Pite nia laran.

“Foin dadaun ekipa saude ninia enkontru ho ami, hamutuk ho Diretora Saude Munisipiu Dili, Xefe Aldeia hamutuk ho delegada sira nee mak la simu vasina inklui labarik sira, nee simu vitamina A, fahe biskuit no ai-han neebe mak ba labarik sira nian, ema neebe vasina tiha ona, maibe seidauk dala rua, neebe ida nee mak ami hamutuk ho saude sira fo sosializasaun ba komunidade idak – idak nian aldeia, atu nunee komunidade hotu tenke simu vasina,” dehan Joao ba STL iha nia knaar fatin Bairru-Pite, Dili, Kuarta (15/09/2021).

Nia dehan, hanesan autoridade lokal sempre fo mensajen, liu – liu Suku Bairru-Pite ninian, fo mensajem ba sira, atu nunee hotu – hotu tenke ba simu vasina, ho nunee bele kontra moras Covid-19.

Iha fatin hanesan, Alzira Maria Gomes hanesan komunidade Suku Bairru Pite, koalia konaba vasina ba Covid-19 ninia nee, depende ba komunidade idak – idak nia konsiensia para bele ba tuir vasina.

“Ita idak – idak iha konsiensia deit, para bele ba tuir vasina kontra pandemia Covid-19, hodi nunee ita bele hasae ita nian imunidade,” dehan nia.*

Reportajen: Jacinta Sequeira/Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...