Konsiensia Nafatin Kumpri Regras Covid-19

DILI, STLNEWS.co – Maske governu hakotu ona konfinamentu obrigatoriu, maibe sidadaun ida-idak tenke nafatin iha konsiensia, hodi kumpri regras ba pandemia Covid-19.

Kestaun nee hatoo husi Lucio Marques Nunes, hanesan nain ba kompania Lumar Unip.Lda dehan, iha situasaun defisil iha ambitu Covid-19 durante nee setor privadu hasoru dezafiu boot, maibe agora dadaun governu hakotu ona konfinamentu obrigatoriu iha Munisipiu Dili, hodi fo biban ba sidadaun hotu bele halao sira nia atividades lao hanesan bai-bain.

“Konfinamentu mak laiha ona, maibe sidadaun ida-idak nafatin kumpri regras no distansiamentu sosial, oinsa uza nafatin maskra, fase liman bebeik no ita tenke kumpri nafatin distansiamentu sosial, ita hotu bele halao ita nian atividades, maibe ita tenke uza maskra nafatin, ami nudar setor privadu, ami mos sei kontinua halao ami nian atividades, ita hein katak, ita bele ultrapasa iha situasaun defisil ida nee,” dehan Lucio ba STL liu husi telefone, Domingo (20/06/2021).

Nia dehan, dadaun ema barak hahu tuir ona vasina ba Covid-19, balun foin simu vasina, no balun vasina daruak nian, espera ema hotu tuir vasina, ho nunee atividades hotu, inklui sirkulasaun transporte ba mai munisipiu bele lao normal hanesan bai-bain.

Iha fatin la hanesan Celestina do Rego, hanesan komunidade suku Bairru-Pite dehan, agradese ba governu, tanba bele hakotu ona konfinamentu obrigatoriu iha Munisipiu Dili, maibe nafatin uza maskra no kumpri distansiamentu sosial.

“Konfinamentu obrigatoriu hotu ona, maibe transporte publiku ida rua deit mak sei halai, maibe agradese tanba bele fasilita ona ami povu kiik neebe durante nee depende ba ami nian atividades negosiu neebe ami halo durante nee,” afirma nia.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: