DILI, STLNEWS.co – Koordenasaun komisaun interministerial ba vasinasaun kontra Covid-19, kuaze la halao iha fulan ida ka rua ona, tanba nee ohin hahu hikas fali.
Kestaun nee informa husi Ministra Saude, Odete Maria Freitas Belo ba jornalista sira iha Kaikoli, Tersa nee (03/05/2022).
“Entaun ohin nee bele reativa fila fali enkontru ida nee hodi partilha informasaun ba malu konaba progresu vasinasaun nian, oinsa ho vasina sira neebe mak ita simu ninian stock sei iha ka lae, karik iha vasina balu neebe mak liu prazu ona, tanba Primeiru Ministru (PM) mos hakarak atu haforsa liu tan komisaun vasinasaun nian. Ministeriu Saude prepara no identifika hela komisaun espesial ida hodi tau matan ba atividade vasinasaun Covid-19, depois koalia mos konaba munisipiu balu neebe mak ninian atinjimentu sei menus, entaun komisaun ka konselhu ida nee bele tau hamutuk ideia para bele hasae kobertura ba iha munisipiu sira neebe mak seidauk atinji ba kobertura vasinasaun nee,” dehan Odete.
Nia hatete, tuir PM nee kobertura vasinasaun kompletu tenki too iha 80%, neebe husu ba populasaun sira bele tuir vasina.
Kontinua ba pajina 2
