La Estende SS Iha Dili, Aprova Medida Ezekusaun EE Ba Dala-18

DILI, STLNEWS.co – Governu liu husi reuniaun Konsellu Ministru (KM) iha Palasiu Governu, neebe prezide husi Primeiru Minsitru Taur Matan Ruak deside la estende Serka Sanitaria (SS) ba Munisipiu Dili.

Tuir Ministru Prezidensia Konsellu Ministru Fidelis Leite Magalhaes katak, hafoin KM halo analiza aprezentasaun ba pontu situasaun epidemiolojika nasaun nian, neebe halao husi koordenador sala Situasaun Sentru Integradu Jestaun Krize (SIJK), mak deside la estende SS ba Munisipiu Dili.

“Konsellu Ministru deside la estende SS ba Munisipiu Dili,” dehan Ministru Fidelis hafoin remata reuniaun KM iha Palasiu Governu, Dili, Kuarta nee (29/09/2021).

Aleide nee, KM aprova ona projetu dekretu governu nian, konaba medida sira ezekusaun, deklarasaun Estadu Emerjensia (EE) ba dala-18 nian. Iha medida ezekusaun nee, sidadaun sira neebe hakarak tama Timor Leste tenke aprezenta rezultadu teste negativu.

Medida sira ezekusaun deklarasaun EE ba dala-18 efetua husi Dekretu Prezidente Republika nian no. 81/2021, loron 28 fulan Setembru hodi hatan ba pandemia Covid-19.

 “Se mak kompleta ona vasinasaun no mai ka tranzita iha nasaun sira neebe iha variante Delta, husi SARS-COV-2, atu tama iha territoriu nasional, tenke aprezenta rezultadu negativu teste ba Covid-19 nian, halao kuarentena loron rua no hafoin periodu nee, halao fali teste diagnostiku Covid-19 nian, no prazu maximu oras 48, hafoin to’o iha nasaun, tenke halo teste foun diagnostiku Covid-19 nian,” dehan Fidelis.

Governante nee dehan, iha eventualidade okorrensia surtu Covid-19 iha kualker parte nasaun nian, obriga individuu sira hotu neebe hela iha Timor Leste, atu realiza ezame mediku diagnostiku Covid-19 ka aprezentasaun sertifikadu vasinasaun kompleta.

Aleinde nee, iha medida ezekusaun EE nee mos, KM husu ba funsionariu sira administrasaun publika tenke simu vasina.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...