Laiha Kartaun Kinur, Estudantes La Tama Aula

DILI, STLNEWS.co – Bainhira laiha kartaun kinur estudantes labele tuir aula, maibe iha deklarasaun ruma husi instituisaun sei konsidera.

Tuir Vise Reitor I, Asuntu Akademiku IOB, Antonio Soares Martins dehan, prosesu aprendizajen ba estudante sira hahu lao ona, maibe oinsa mak konsiensia idak – idak nian, bele kumpre nafatin regras distansiamentu neebe mak iha.

“Hau hanoin posesu aprendizajen lao ona prezensial, tanba hetan ona karta despaixu husi Ministru Ensinu Superiór, Siénsia no Kultura (MESSK), ami hahu aula prezensial iha loron 15 fulan Setembru tinan 2021, maibe nafatin halo tuir regras husi World Health Organization (WHO) no Ministeriu Saude (MS). Estudantes sira neebe laiha kartaun vasina la tuir aula, maibe sira lori karta deklarasaun ruma ho razaun katak seidauk bele tuir vasina, nee ita konsidera,” dehan Antonio ba STL Segunda nee (20/09/2021).

Nia dehan, nia sedauk hatene klaru estudantes hira mak vasina, no hira mak seidauk vasina, tanba sira nia preokupaaaun nee, oinsa mak estudante sira atu rekopera aula, maibe prosesu aprendizajen iha IOB lao ona.

Iha parte seluk, Dekanu Fakuldade Siensia Sosiais UNTL, Camilio Ximenes Almeida hatete, agora dadaun sira nian dosentes, estudantes no staf administrasaun husi Fakuldade Siensia Sosiais 90 % simu ona vasina, no sira mos rekolla ona kartaun vasina.

“Iha ami nia fakuldade, estudantes, dosentes no staf administrasaun sira 90% vasina ona, no fakuldade rekolla hotu ona kartaun vasina, maibe iha 10 neebe mak seidauk, ho argumentu moras no balun oan sei kiik, maibe fakuldade mos husu ba sira, hodi ba husu dr espesialista atu fo rekomemdasaun ba sira no kuaze sira kumpre hotu,” dehan Camilio.*

Reportajen: Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...