Lansamentu Vasinasaun Ba Daruak, Prioridade Idade 60 Ba Leten

DILI, STLNEWS.co – Tuir planu governu liu husi Ministeriu Saude, sei halo lansamentu vasinasaun daruak ba populasaun iha loron 10 Maiu 2021, prioridade ba sidadaun ho idade 60 ba leten. Tanba nee governu sei lansa kampania vasinasaun hasoru Covid-19 ba ema ho idade 60 ba leten no ema neebe ho komorbilidade.

“Ami atu informa ba publiku katak lansamentu vasinasaun neebe sei halo iha loron 10 Maio 2021 nee, ita sei tau prioridade liu ba sidadaun ho idade 60 ba leten, no adultus ho komorbilidades nomos grupos prioritarius sira seluk,” hatete komunikadu imprensa Komisaun Interministerial Kombate Covid-19 neebe STL asesu Sabadu (08/05/2021) nee.

Tanba nee iha tempu tuir mai kampania vasinasaun sei implementa iha territoriiu laran tomak no sei fo ba ema hotu-hotu neebe bele simu vasina nee.
Tuir planu nasional vasinasaun hasoru Covid-19, faze daruak kampania sei foka ba 80% populasaun neebe sei falta no elegivel ona atu simu vasina nee inklui ema hotu neebe ho tinan 18 anos ba leten.

Vasina neebe sei uza iha fase daruak implementasaun nee, Timor-Leste hetan apoiu governu Australia ho doze vasina hamutuk rihun rua nulu (20,000) neebe too ona Timor-Leste iha loron Kuarta (5/5/2021) liu ba.

Tuir governu katak vasina mak sai meiu prinsipal atu hamenus risku hetan infesaun husi Covid-19 hodi hamenus risku ba moras todan husi Covid-19, no sei kontribui signifikativamente atu ema bele hahu ho programa rekuperasaun husi pandemia nee.

Tanba nee Governu sei sosa tan vasina hasoru Covid-19 iha tinan 2021 nia laran. Nunee sidadaun neeebe ho tinan 18 ba leten neebe bele simu vasina ida nee, hamutuk mais ou menus 750,000. lda nee inklui sidadaun estranjeiru sira hotu neebe hela iha territoriu nasional.

Governu husu sidadaun hotu atu nafatin implementa protokolu husi Ministeriu Saude maske simu ona vasina, tanba liu husi esforsu koletivu no ida idak haktuir protokolu saude mak bele proteje an, proteje ita nia familia, no komunidade husi moras at ida nee, neebe afeta ema tokon ba tokon iha mundu tomak.

Enkuantu antes nee, kampania vasinasaun hasoru Covid-19 lansa uluk iha loron 7 fulan Abril liu ba iha Centro Saude Formosa Dili, Primeiru Ministru (PM) Taur Matan Ruak mak sai hanesan ema Primeiru iha TL hodi vasina ho tipu AstraZeneca nee.

Faze dahuluk kampania halao ba 20% populasaun, neebe mak lao dadaun hela, no simu husi programa COVAX. Iha faze dahuluk nee, ema liu 28.500 mak simu ona vasina, inklui pesoal husi setor saude no husi setor sira seluk neebe halo parte servisu esensial Iina frente nian iha territoriu tomak.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: