LNS Hatama Reseita US$ 310,117.40 Ba Kofre Estadu

DILI, STLNEWS.co – Hahu fulan Janeiru to’o loron 14 fulan Setembru tinan 2021, laboratoriu konsege rekolla reseita ho montante $310,117.40 ba kofre estadu, tanba fonte reseita tolu mak teste tubercolouse nian, teste microbiologia no teste Covid-19.

Hatete Diretor Servisu Administrasaun no Apoia, iha Laboratorio Nasional Saúde (LNS), Liborio da Costa Alves ba jornalista sira iha nia knaar fatin, Tersa nee (05/10/2021).

“Ita presiza halo revizaun ba tarifa sira, tanba tarifa sira iha despaxu ministeriu no 006/2003, neebe ita uza halo kobransa durante nee la nesesita ona, maibe iha mudansa barak, liu – liu kustu reajente neebe karun, entaun ita tenke adapta ho kustu sira nee, hodi halo ajustamentu atu hetan tarifa neebe diak,” hatete nia.

Nia dehan, laboratoriu iha fonte reseita tolu mak teste tubercolouse nian, teste microbiologia, no teste Covid-19 nian, tanba kobransa reseita sira nee bazea ba despaxu Ministeriu Saude No 006/2003, konaba tarifa teste sira no diploma ministerial konjunto No 34/MF-MS/IX/2020, konaba tarifa teste diagnostika SARS-CoV2 (Covid-19).

Nia esplika, iha tipu analiza neebe halo durante nee mak quimica klinika, urina, fezes, hematologia, microbiologia, imunologia no iha ona kapasidade atu halo mos toxicologia.

Entertantu, Ministra da Saude (MdS) Odete Maria Freitas Belo dehan, governu ho apoia husi parseiru sira halo esforsu atu mellora, hasae kapasidade no kualidade servisu laboratoriu nian, liu – liu rekursu humanu no ekipamentu sira.

 “Ita koalia konaba laboratorium ema barak hanoin reajente, makina no osan, maibe makina no reajente sira nee, sei labele halo buat ida, bainhira rekursu humanu laiha kualidade,” nia informa.

Nia afirma, iha situasaun surtu hanesan Covid-19, papel laboratoriu importante tebes atu konvense mos publiku, tanba ema hotu sei fiar ba rezultadu neebe laboratorio fo sai, nomos servisu laboratorium laos deit atu ajuda halo diagnosa, maibe halo mos peskiza ba buat hotu neebe fo risku ba saude publika.*

Reportajen: Jeniche da Costa

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...