DILI, STLNEWS.co – Ohin selebra loron mundial ba enfermeiru no parteira Timor Leste nian, nee importante tebes iha idak-idak nia servisu no sai hanesan linha oin, hodi halo atendimentu ba pasiente sira hotu.
“Neebe hau hanoin katak, loron enfermeiru, parteira no mos pasoal saude sira importante iha ita boot sira nia servisu loron-loron, i sai hanesan front line hodi halao atendimentu ba moras sira, iha momentu kuandu ita hasoru pandemia Covid-19 nee, ita boot sira prontu servisu hamutuk iha oin no hatudu ita boot sira nia disiplina, i hatudu kompromisu neebe mak nakonu ho responsabilidade, hanesan infermeirus no parteiras halao ninian knaar hodi atende ita nia moras sira,” lia hirak nee hatoo husi Diretor Ezekutivu Interinu Hospital Nasional Guido Valadares (HNGV), Marcelino Correia liu husi diskursu iha HNGV, Segunda nee (09/05/2022).
Nia hatutan, iha momentu neebe mak infrenta situasaun difisil, maibe nafatin hatudu imi nia dispilina no servisu , ida nee diak ida neebe mak imi halo hodi bele salva moras sira.
Kontinua ba pajina 2
