Malaysia & Singapura Lockdown, Pasiente Transfer Ba Indonezia

DILI, STLNEWS.co – Relasiona ho situasaun pandemia surtu Covid-19, pasiente neebe moras labele transfer ona ba Malaysia no Singapura, tanba sira lockdown. Ho Ida nee pasiente tenke transfer ba Indonezia.

Hatete Vice Ministru Saude (MS), Bonifacio Maucoli dos Reis ba jornalista sira iha Novo Turismo, Tersa (09/06/2021).

“Malaysia ho Singapura lockdown, neebe ita nia pasiente nee ita transfer ba Indonezia deit, tanba sira mak too agora simu nafatin ita nia moras,” hatete Bonifacio.

Nia esplika, konaba atu transfer pasiente ba Australia, ida nee Ministeriu Saude seidauk iha akordu atu tranferensia.

“Iha tempu badak ita sei halo akordu ida para bele transferensia ita nia pasiente moras ba Australia para halo tratamentu saude iha neeba,” dehan Bonifacio.

Nia infroma, pasiente moras fuan barak liu mak tranferensia ba Jakarta, tanba sira nee mak simu nafatin pasiente husi TL, maibe sira seluk nee la simu tanba sira sei lockdown.

Iha fatin seluk, familia pasiente Alarico dos Santos informa, pasiente moras fuan sei ba rai liur maibe labele ba tanba situasaun serka sanitaria neebe dada naruk, tanba nee nia familia kontinua halo tratamentu iha HNGV.

“Hau nia aman moras fuan, atu ba check up mais labele ba tanba serka sanitaria, tanba nee tenke halo tratamentu semana ida dala tolu iha HNGV. Ho situasaun nee hau husu ba governu atu rezolve problema nee, atu nunee moras sira bele ba halo tratamentu iha rai liur,” nia afirma.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: