MAP – MS Halao Enkontru Konaba Malnutrisaun

DILI, STLNEWS.co – Relasiona ho Covid-19 neebe afeta ba mundu inklui Timor Leste, populasuan liu liu inan ho bebe, kuaze sofre malnutrisaun, tanba nee Ministeriu Saude (MS), hamutuk ho Ministeriu Agrikultura no Peskas (MAP) esforsu, atu oinsa kombate kazu malnutrisaun iha situasaun surtu Covid-19.

Kestaun nee hatoo husi Vice Ministru Saude, Bonifacio Mau Coli dos Reis, ba jornalista sira hafoin partisipa enkontru ho MAP, iha salaun Ministeriu Saude, Tersa (25/05/2021).

Nia dehan, ekipa liña ministerial, neebe Ministeriu Agrikultura rasik mak hanesan Prezidente Komisaun Nasional Serbisu Tekniku ba Nutrisaun Timor Leste (KONSSANTIL), hodi halibur ministeriu relevante sira hodi servisu hamutuk oinsa kombate kazu malnutrisaun iha rai laran.

“Husi Ministeriu Saude nian oinsa mak atu foka liu ba haree grupu ba labarik, inan isin rua ho bebe, oinsa atu sira bele konsumu hahan neebe ho nutritivu,” hateten Bonifacio.

Nia esplika, intermus atu hasae produsaun nee kompetensia MAP. Maibe Ministeriu Saude mesak kombate kazu malnutrisaun labele, presiza involve liña ministeriu nunee tau hanoin hamutuk oinsa atu kombate.

Entretantu Xefe Departementu Nutrisaun iha Ministeriu Saude, Olinda dos Reis, dehan, atu resposta ba situasaun emerjensia, liu husi MS servisu hamutuk ho parseiru dezenvolvimentu sira, oinsa atu fo suporta grupu inan sira, neebe halo mos koordenasaun ho Fundasaun Alola, kuaze mais refuziadu 20 iha Dili laran, liu husi grupu inan hodi fo suporta ba inan ho bebe sira.

“Ekipa sei tama sai grupu 20 iha Dili, sei sukat labarik sira nia todan, hodi haree ba estadu nutrisaun adekuadu ka lae, ka presiza tratamentu seluk, tanba ita deteta kazu malnutrisaun balun iha area Maslidun, Tasitolu nian, iha neeba ita konsege foti, no evakua sira sai husi neeba, ba sentru saude iha Dili laran hodi hetan asistensia medika,” nia tenik.

Nia informa husi grupu refuziadu 20 iha Dili laran, balun hetan rekoperadu husi nutrisaun no fila ona ba ida-idak nia fatin.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: