MAPKOMS Lansa Vasina Ba Komunidade Seloi Kraik

AILEU, STLNEWS.co – Ministeriu Asuntu Parlamentu no Komunikasaun Sosial (MAPKOMS), ofisialmente lansa vasina kontra Covid-19 ba komunidade sira iha Suku Seloi Kraik, Postu Administrativa Aileu Vila, Munisipu Aileu.

“Hau nia prezensa iha Seloi Kraik nee, Ami dala ida tan atu fo motivasaun ba populasaun sira no mos ba frontline sira, atu servisu i motiva populasaun sira katak vasina nee seguru ba ita nia vida i nunee bele hamosu imunidade komunitaria iha Seloi.” tenik MAPKOMS, Francisco Jeronimo Martins ba jornalista sira Iha Seloi Kraik Aileu, Kinta (24/06/2021).

Governante nee hatete deklarasaun politika ba estadu nian mak nee, vasina nee sai meius ida neebe mak atu kombate Covid-19 iha Timor Leste, entaun vasina nee ba Timor-Leste tomak.

“Ita iha vasina oin rua (2), ida mak AstraZeneca no ida mak Sinovac, vasina nee ba ita nia populasaun hotu, iha Dili Sinovac nee iha limitasaun ituan, entaun prioridade deit ba profesor no estudante sira iha Dili, AstraZeneca ba Timor tomak” katak nia.

Foto: STL/Maria Tavares

Nia akresenta, iha media sosial ema sempre dehan vasina la diak, maibe iha mundu tomak nasaun barak mak vasina ba nia ema sira, tanba vasina nee rejistu iha Organizasaun Mundial Saude, vasina nee pertinente ita uza hodi halo vasina ba komunidadeunidade sira.

Iha fatin hanesan, Xefe Suku Seloi Kraik, Gabriel Mendonça, agradese ba MAPKOMS nia prezensa hodi fo informasaun direta hodi halakon komunidade sira nia duvida kona vasina.

“Komunidade iha Seloi Kraik hamutuk 4 mil ital, hatoo ami nia bemvindo ba Sua Exelencia MAPKOMS, tanba Suku Seloi Kraik nee reprezenta Suku 12, Postu Administrativu Aileu Vila, hodi hetan advokasia, primeiru doze, tanba nee mak ami agradese” tenik nia.*

Reportajen: Maria Tavares
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: