DILI, STLNEWS.co – Master plan Hospital Nasional Guido Valadares (HNGV) hahu tama ba iha faze final, maski iha buat balun mak presiza hadia iha master plan nee.
Master plan nee kompanhia Marfa ho sira nia konsultan husi Indonezia mak aprezenta ona iha hospital refere.
“Agora nee sira tama iha faze final konaba master plan nee, maibe iha buat balun mak presiza hadia, tanba ita presiza tau helikopter para atu lori evakuasaun emerjensia ruma nee tun kedas iha emerjensia nia leten, nee para pasiente sira dudu tama kedas ba hospital laran. Tanba ita hatene katak, moras barak mak kuandu evakua husi fatin dook, ita haree hanesan VIP ka boot sira balun, nee presiza transporta mai ho aviaun, nee presiza fatin helikopter, tanba agora transporte terestre mos barak bele difikulta moras sira mai iha HNGV,” lia hirak nee hatoo husi Diretor Klinika HNGV, Marcelino Correia ba jornalista iha nia knaar fatin, Tersa nee (26/07/2022).
Aleinde nee mos Ministra Saude (MS), Odete Maria Freitas Belo, hatete master plan HNGV aprezenta tiha ona, i atu inisia master plan ida nee sira iha audiensia ho konstrusaun pediatria.
(nat)
